Charter Document - 01390171
| Charter Number: | 01390171 |
|---|---|
| Cartulary Title: | The Register of the Priory of Wetherhal |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1241 |
| Date type: | Internal, A.D., Feast |
| Resource Link(s): |
|
Charter:
Anno Gratiae Millesimo Ducentesimo Quadragesimo primo ad Pentecosten facta est haec conventio inter Thomam Priorem de Wederhal ex una parte et Alanum fabrum de Gringeldic ex altera videlicet Quod praedictus Prior dimisit praedicto Alano totam terram suam in Ruccroft videlicet novem acras quas Johannes de Ruccroft aliquando tenuit de Priore de Wederhal usque ad terminum duodecim annorum plene completorum Reddet autem praedictus Alanus Domui de Wederhal singulis annis sex solidos ad duos terminos medietatem ad Festum Sancti Martini in yeme et aliam medietatem ad Pentecosten Et sciendum quod praedictus Alanus molet ad molendinum de Gringeldic ad vicesimum vas totum bladum suum in praedicta terra crescentem similiter totum bladum quod alibi adquirere poterit et solvet vicesimum porcum ad pannagium et sustinebit domos usque ad terminum praedictum Completis autem duodecim annis remanebit praedicta terra cum omnibus aedificiis soluta et quieta a praedicto Alano et omnibus suis Et sciendum est quod si praedictus Prior terram illam quam Johannes de Ruccroft detenet injuste poterit adquirere praedictus Alanus habebit illam cum praedictis novem acris pro praedicta firma Et ut haec Conventio rata sit et stabilis presenti scripto sigillum meum apposui Hijs Testibus Johanne Capellano de Wederhal Gilberto Capellano de Warthwic Roberto Clerico de Cutun Johanne de Hairminne Willelmo de Crogelyn Johanne Stelfot Roberto de Horneby et multis alijs
Source (click image below to view full size)
