Charter Document - 01390096
| Charter Number: | 01390096 |
|---|---|
| Cartulary Title: | The Register of the Priory of Wetherhal |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1270 |
| Date type: | Internal, A.D., Feast, Lunar |
| Resource Link(s): |
|
Charter:
Universis ad quorum notitiam praesens scriptum pervenerit Thomas de Wymundham Prior de Wederhal et Symon Magister Hospitalis Sancti Nicholai juxta Karliolum aeternam in Domino Salutem Ad vestrae volumus universitatis notitiam pervenire quod cum inter nos orta esset cujusdam contentionis materia in Curia Civitatis Karlioli super quadam vasta placia inter murum Fratrum praedictorum et domum Ricardi quondam de Mora jacente quam Abbas et Conventus Beatae Mariae Eboraci tenent de praedicto Hospitali pro quinque solidis ad duos Terminos videlicet duobus solidis et dimidio ad Festum Sancti Martini in yeme et totidem ad Festum Pentecosten reddendis de voluntate et consilio dicti Abbatis una cum consensu nostro expresso conquievit in hunc modum videlicet Quod Ego Symon Magister Hospitalis pro me et fratribus meis remitto et quietum clamo memoratis Abbati et Conventui et Vobis Domino Thomae Priori de Wederhal omnia arrearagia firmae praedictae placiae usque ad diem confessionis praesentis scripturae pro decem solidis quos mihi solvistis Et ego Frater Thomas de Wymundham ex nunc in posterum pro Abbate meo et Conventu et me firmam predictae placiae ad Terminos suprascriptos vobis Magistro Symoni et Fratribus vestris vel vestro certo Attornato pro tempore meo sic faciet quilibet successor meus pro tempore suo sive placia jam dicta fuerit hospitata sive non sine contradictione persolvam In cujus rei Testimonium huic scripto in modum Cirograffi confecto alternatim sigilla nostra apposuimus Hijs Testibus Dominis Alexandro de Bolotun Majore Karlioli Willelmo filio Yvonis Gilberto de Grenesdale Willelmo de Tymparun Willelmo filio Hysmay Thoma de Tybay Johanne Waster Roberto de Kirkeof Wald Clerico et alijs Datum Karlioli die Lunae proxima ante cineres Anno Domini Millesimo Ducentesimo Septuagesimo
Source (click image below to view full size)
