Charter Document - 01390067
| Charter Number: | 01390067 |
|---|---|
| Cartulary Title: | The Register of the Priory of Wetherhal |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1257 - 1259 |
| Date type: | Assigned |
| Resource Link(s): |
|
Charter:
Omnibus ad quos presens scriptum pervenerit Johannes Spendlime et Margareta uxor ejus de Wederhal Salutem in Domino Noverit universitas vestra nos de consensu et voluntate heredum nostrorum dedisse et concessisse et hac presenti carta nostra confirmasse Deo et Ecclesie Sancte Trinitatis et Sancti Constantini de Wederhale et Monachis ibidem Deo servientibus pro salute animarum nostrarum unam bovata terre in campo de Wederhale in puram et perpetuam Elemosinam scilicet unam bovata de duabus bovatas quas quondam tenuerunt de predicta Domo de Wederhale tenendum et habendum dicte Domui et dictis Monachis libere quiete integre et pacifice absque omni servicio et calumpnia de nobis et heredibus nostris inperpetuum Et sciendum quod nos Johannes et Margareta et heredes nostri solvemus antiquam firmam et faciemus antiquum servicium quod pertinebat ad dictam bovata terre sicut melius et plenius fecimus quando ipsam in manu nostra tenuimus Nos vero et heredes nostri predictam bovata terre predictis Monachis contra omnes homines warantizabimus defendemus et acquietabimus inperpetuum Et ut hec concessio et presentis carte nostre confirmatio rata sit et stabilis inperpetuum presenti scripto sigilla nostra apposuimus Hijs Testibus Dominis Willelmo de Vallibus Roberto de Castelcairoc Willelmo de Warthwic Militibus Remigio tunc Vicecomite Karliolensi Johanne Capellano de Wederhale Roberto de Warthwic Roberto de Tyllol Johanne Stelfot Laurentio filio Walteri Roberto Minnoc Johanne de Spanton Gilberto de Scaldermanoc et alijs
Source (click image below to view full size)
