Charter Document - 01390056

Hec est compositio facta inter Abbatem et Conventum Sancte Marie Eboraci et Monachos de Wederhale ex una parte et Robertum filium Willelmi et Willelmum filium Johannis Dominos de Warthwic ex altera de marisco qui jacet subtus con dorsum de Wederhal videlicet quod dicti Abbas et Conventus de consensu dictorum Roberti et Willelmi et heredum suorum retinuerunt ad usum proprium Monachorum suorum de Wederhale totam illam partem predicti marisco qui se extendit versus Wederhale a fossato quod Werricus fecit linealiter ex transverso marisco usque ad quandam quercum stantem in con dorso et sic ex transverso con dorsi usque ad terram de Wederhale cultam ad includendam pro voluntate sua ad omnimodum commodum suum inde faciendum inperpetuum Predicti vero Abbas et Conventus concesserunt predictis Robertum et Willelmi et heredibus eorum et hominibus de Warthwic habere communia pasture tantum in altera parte marisco versus Warthwic sicut dictus mariscos se extendit versus Aquilonem a fossato predicto usque ad Rivum pluvialem qui est divisa inter Wederhale et Warthwic qui rivus dividendo terras predictarum villarum descendit in dicto marisco subtus pratum de Westercrouf et inde per transfusum marisco exit inter terram Monachorum que dicitur Camera Constantini et terram de Warthwic Ita scilicet quod nichil omnino capere vel habere poterint in dicto marisco ultra predictum rivum nisi communia pasture tantum Nec aliquis poterit ibi fodere glebas nisi illi qui tenebunt terram Monachorum que dicitur Camera Constantini Sciendum est autem quod quando Monachi de Wederhale totam vestram marisco quem includerent plene in usus suos quolibet anno converterint ex tunc licebit hominibus de Warthwic habere ingressum in dicto marisco ad pasturam habenda usque ad tempus illud quo predicti Monachi voluerint ponere illum in defenso Sciendum est autem quod hanc compositionem firmiter tenenda et warantizandam utrinque inperpetuum predicti Abbas et Conventus pro se et suis tenentibus de Wederhal predicti vero R et W pro se et omnibus de Warthwic quolibet modo tenentibus manuceperunt et insuper ijdem R et W juramento corporaliter prestito se et heredes suos sub pena decem librarum Abbas vero et Conventus per Priorem suum de Wederhal sub eadem pena ad prescripta omnia observanda se obligaverunt Ut autem hec compositio perpetue firmitatis et inconcussum robur optineat predicti Abbas et Conventus et predicti Robertum et Willelmus sigilla sua una cum sigillis Bartholomeus Prioris et Magistri Gervasius de Louthir Archidiaconi Karliolensis hinc inde apposuerunt Hijs Testibus Domino Waltero Officiali Magistris Ricardo et Helvico Rectoribus Scolarum Theologie et decretorum Domino Thoma de Morlund Thoma de Graistoc Michaele de Sancto Albano Symone Decano et Capitulo Karleoli Thome filio Johannis Vicecomitis Richardo de Levingtun Roberto de Castlecairoc Petro de Tillel Roberto de Hamton Waltero de Bantun et Comitatu Karleoli