Charter Document - 01390034

In nomine Domini nostri Jesu Christi Amen Orta dudum inter Venerabilem Patrem Dominum R Dei Gratia Karliolensem Episcopum ex parte una et Religiosos viros Abbatem et Conventum Sancte Marie Eboraci ex altera super custodia Prioratus de Wederhale dicto Prioratu carente Priore et super institutione et destitutione ejusdem Prioris ac quibusdam alijs Articulis materia questionis Tandem mediantibus communibus amicis Anno Domini mcclxvi pridie Nonas Februarij conquievit hujus controversia super dicta custodia in hunc modum videlicet Quod idem Episcopus sollicite considerans quanta dampna et pericula per hujus custodiam dictis Religiosis possent accidere et precipue Celle seu Prioratui de Wederhal antedicto et quod longi temporis questum per hujus custodiam brevis hora consumeret Attendens insuper hujus occatione parvum emolumenti posse sibi seu Episcopatui Karleolensi accrescere memoratus Episcopus nomine suo et Ecclesie Karleolensis de consensu Capituli sui expresso omne jus si quod sibi compecijt super custodia dicti Prioratus et bonorum ejusdem dictis Abbati et Conventui favore Religionis tam in possessorio quam in petitorio undecumque proveniens pro se et Successoribus suis imperpetuum remisit et quietum clamavit Dicti et Abbas et Conventus volentes erga tam pium Patrem filij degeneres reputari eidem Episcopo et Successoribus suis amicabiliter dederunt et concesserunt ac etiam remiserunt imperpetuum duas marcas et dimidiam sibi prius annuatim debitas de Ecclesia de Denton que de Patronatu Domini Karliolensis Episcopi existit dictis Religiosis et Prioratui de Wederhal prius debitas nomine pensionis in utilitatem dicti Episcopatus convertendas Convenit etiam inter easdem partes quod dicto Prioratu de Wederhale carente Priore Abbas Beate Marie Eboraci qui pro tempore fuerit Monachum quem suo periclo dicte domui credidit esse utilem sive dignum dabit Priore et loci Dioecesano vel ejus Officiali eo absente presentabit eundem Quem dictus Episcopus sine difficultate admittet et curam animarum Parochialium Ecclesiarum duntaxat eidem committet recepta ab eodem canonica obedientia salva dicto Abbati obedientia Regulari Quod si dictus Episcopus in Dioecesi Karleolensi presens non fuerit dictus Officialis eundem presentatum absque difficultate admittet Ita quod post adventum dicti Episcopi in Dioecesim dictus presentatus se eidem Episcopo infra tres dies utroque existente in Dioecesi personaliter presentabit Canonicam obedientiam eidem facturus curamque animarum Parochialium Ecclesiarum ad dictum Prioratum spectantium ab eodem recepturus Quod si dictus Episcopus Karliolensis vel ejus Officialis dictum presentatum sine difficultate non admittat liceat eidem dictum Prioratum libere ingredi et ibidem ut Prior commorari Ita quod ad mandatum Dioecesani veniat dictam curam ut dictum est recepturus et obedientiam facturus sine mora Si vero processu temporis dictus Abbas Priorem de Wederhal ex causa aliqua quam idem Abbas credidit esse sufficientem providerit amovendum dictus Abbas literas suas patentes super amocione ejusdem predicto Episcopo destinabit causam quam crediderit ei sufficientem inserendo quam dictus Episcopus sine difficultate aut contradictione approbabit et quod per dicte cure receptionem et obedientiam Episcopo factas Abbati Eboraci ullum in amocione hujus fiat prejudicium Lectis siquidem premissis dicta partes hujus compositioni assensum prebentes uberiorem renuntiarunt omnibus processibus et literis impetratis et impetrandis omni exceptioni cavillationi et specialiter in integrum restitutioni ac omni juris remedio per quod poterit presens Compositio imposterum infirmari seu aliquatenus impugnari In cujus rei Testimonium huic compositioni dicte partes alternatim sigilla sua apposuerunt Nos vero Prior et Conventus Karliolensis supradictam compositionem ratam et gratam habentes ipsam quatenus in Nobis est confirmamus et sigilli nostri munimine roboramus Ad majorem securitatem nos Abbas et Conventus Eboraci dictas duas marcatas et dimidiam de Ecclesia de Denton nobis debitas eidem Episcopo et Successoribus suis imperpetuum damus conferimus et assignamus in forma supradicta Datum apud Bellum locum Anno et die supradictis Ponebatur hoc inter lineare nolentes ante consignationem Teste eadem manu