Charter Document - 01379010
| Charter Number: | 01379010 |
|---|---|
| Cartulary Title: | Facsimiles of Early Cheshire Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1215 - 1216 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit W divina miseratione Coventrensis episcopus salutem in domino Noverit universitas vestra nos attendentes honestatem et religionem commendantes H abbatis domus sancte Wereburge de Cestria et monachorum ibidem Deo famulancium concessisse et donavisse et hac presenti carta confirmasse eisdem ecclesiam de Prestebury cum omnibus suis pertinenciis in proprios usus habend ad incrementum sue hospitalitatis sustentande ita ut liceat eis omnes fructus et obventiones ecclesie illius et omnium ad eam pertinencium in proprios usus convertere salva vicaria decem marcarum argenti vicario qui in ea ministret assignanda et salvo in omnibus iure episcopali et parrochiali Et ut hec nostra confirmatio perpetuum firmitatis robur obtineat eam sigilli nostri inpressione duximus roborandam Hiis testibus Iocaberto priore Coventrensi Hugone abbate Salopesbirie Radulfo abbate de Lilleshulle Henrico abbate de Derleia B de Tuttesbiria R de Rapendona prioribus magistro Roberto de Sandona magistro Ranulfo de Esseby et aliis
Source (click image below to view full size)
