Charter Document - 01360246
| Charter Number: | 01360246 |
|---|---|
| Cartulary Title: | The Original Acta of St. Peter's Abbey, Gloucester c. 1122 to 1263 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1216 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ricard[us] de Mucegros salutem Noverit vniversitas vestra quod anno dominice incarnationis millesimo ducentesimo sextodecimo in festo sancti Iohannis ante portam Latinam in abbatia Glouc[] reddidi Henrico abbati et monachis sancti Petri Glouc[] villam de Schelden[] cum pertinentiis quam tenui de eis ad firmam tantum in vita mea et vnam cartam eorum habui quam similiter eis eadem die reddidi et omne ius et clamium quod in terra illa siue firma predicta umquam habui remisi et eis omnino de me et heredibus meis quietum clamaui Et pro hac quieta clamatione predicti abbas et monachi omnia arreragia que debui eis de predicta firma et omnes demandas quas habuerunt uersus me de firma illa mihi remiserunt et cartam suam de quieta clamantia mihi fecerunt In cuius testimonium perpetuum presentem cartam sigillo meo signatam sepe dictis abbati et monachis tradidi et fide interposita me obligaui per me et pro heredibus meis quod numquam contra cartam illam molestiam eis inferamus uel gravamen Hiis testibus Nicholao filio Pontii Martino de Pateshull[] clerico Hugone Mustel[] Hereberto de Mucegros Reginaldo de Piriton[] Ricardo Burgeis Rogero de Barris Roberto de Montana Drogone Pincerna Waltero de Mora Simone de Aula Waltero Mariscallo Simone de Matresdon[] Gaufrido de Matresdon[] Roberto de Baiocis Roberto de Felda Waltero Croylin[] et multis aliis
Source (click image below to view full size)
