Charter Document - 01360230

Sciant presentes et futuri quod ego Philippus de Kynemaresbur[] anno regni regis Henrici filii regis Iohannis tricesimo secundo ad festum sancti Michaelis tradidi domino Iohanni abbati et conuentui sancti Petri Glouc[] ad firmam totam terram meam que uocatur Yondercumb[] cum omnibus pertinentiis suis ad terminum viginti annorum continue sequentium pro decem marcis probate monete quas mihi premanibus pacauerunt ad aquietandum me de Iudaismo Glouc[] tenend et habend totam predictam terram cum suis pertinentiis de me et heredibus meis uel assignatis meis sibi et successoribus suis libere et quiete ab omni exactione et seculari demanda Reddendo inde annuatim mihi et heredibus uel assignatis meis decem solidos argenti ad festum sancti Michaelis Ego uero Philippus et heredes mei uel assignati mei dictis abbati et conuentui et eorum successoribus totam predictam terram cum omnibus suis pertinentiis contra omnes gentes tam Iudeos quam Cristianos usque ad predictum terminum completum warantazabimus et defendemus Et si contingat quod pro defectu mei heredum uel assignatorum meorum dicti abbas et conuentus Glouc[] dampnum incurrant volo concedo et firmiter promitto pro me heredibus uel assignatis meis quod ipsi dictam terram cum suis pertinentiis teneant sine aliquo impedimento uel calumpnia mei heredum uel assignatorum meorum donec per visum legalium uirorum de exitu eiusdem terre plenam dampni sui habeant restitutionem In cuius rei testimonium presens scriptum in modum cyrographi inter nos confectum est Cuius unam partem sigillo meo munitam dictis abbati et conuentui tradidi Alteram uero partem sigillo ipsorum roboratam penes me retinui Hiis testibus domino Henrico Ruso Roberto de Felda Philippo de Mattesdon[] Galfrido de la Graue Thoma de la forge Waltero de Snedham[] Roberto Amauri[] et aliis