Charter Document - 01360189
| Charter Number: | 01360189 |
|---|---|
| Cartulary Title: | The Original Acta of St. Peter's Abbey, Gloucester c. 1122 to 1263 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ioh[anne]s dei gratia abbas et conuentus sancti Petri Glouc[] concessimus et tradidimus Reginaldo aurifabro burgensi terram nostram que iacet in cornerio propinquiori ianue cimiterii nostri in uico qui uocatur Lychlone in villa Glouc[] inter terram sacriste nostri et uiam iuxta murum cimiterii nostri habend et tenend de nobis et successoribus nostris imperpetuum sibi et heredibus suis pro septem solidis et sex denariis quos sacriste nostre annuatim ad quatuor terminos persoluet Videlicet ad Natiuitatem sancti Iohannis Baptiste uiginti duos denarios et obolum ad festum sancti Michaelis uiginti duos denarios et obolum ad Natale domini uiginti duos denarios et obolum et ad festum beate Marie in Martio uiginti duos denarios et obolum Predicta uero terra per uisum legalium uirorum mensurata continet in latitudine quatuor uirgas domini regis ulnarias et dimidiam et quinque pollices cum pollice interposito In longitudine uero tresdecim uirgas domini regis vlnarias de dimidiam et tres pollices cum pollice interposito Quando uero dictus Reginaldus a nobis dictam terram recepit edificium superpositum appreciatum fuit ad valorem viginti solidorum Si uero aliquo casu emergente ipse uel heredes sui dictam terram nobis reliquerint simile edificium uel pretium nobis restituent Idem uero iuramentum nobis prestitit quod fidelis erit ecclesie nostre et maxime de reddendo redditu nostro plenarie statutis terminis Et quod nec artem nec ingenium exquiret vnde domus nostra per tenuram suam dampnum incurrat Et quod predictam terram neque uendet neque excambiet neque in vadimonium ponet neque alicui in feodum uel hereditatem tradet neque ad alium locum religionis transferet sine assensu et voluntate nostra Eandem securitatem nobis facient heredes sui cum singuli sibi succedent In cuius rei testimonium presens scriptum in modum cyrographi inter nos confectum est cuius vnam partem sigillo ecclesie nostre munitam dicto Reginaldo tradidimus Aliam uero partem sigillo ipsius roboratam penes nos retinuimus Hiis testibus Rogero Lenweise Willelmo de Chiltheham tunc bailliuis Glouc[] Hugone de Kyngeshom Iohanne filio Symonis Luca Cornubiense Ricardo Fraunceis Iohanne Pain et aliis
Source (click image below to view full size)
