Charter Document - 01360023

Hec est conuentio facta anno domini mcclx die beati Gregorii pape inter Henr[icum] Le Holt[e] et Bland[] vxorem suam quondam relictam Mauricii Lug[] ex vna parte et dominum Ioh[annem] de Gamages priorem de Ewenny ex alteram Videlicet quod dictus Henr[icus] et Bland[] vxor sua assensu et consensu et etiam mera voluntate heredum suorum in legitima potestate sua tradiderunt ad firmam totam terram suam quam tenuerunt uel tenere debuerunt de feodo prioris de Ewenny et totam terram quam tenent uel tenere debent de domina de Hoggomor[] cum omnibus pertinentiis et omnibus inde prouenientibus vna cum omnibus hominibus et tenentibus suis in villa de Ewenny manentibus Videlicet Nicholao alba cum nouem acris terre arabilis et una acra prati Hugone filio Sydonis cum nouem acris terre arabilis et i acra prati et duabus cottariis scilicet Nony textore cum mesuagio et curtillagio et Alicia relicta Paynoti cum mesuagio et curtillagio et redditu annuale quinque denariorum de domina Cecilia matre dicti Mauricii Lug[] Et si contigerit dictam Ceciliam interim infata decedere quicquid de portione sua dictos Henr[icum] et Bland[] contigerit penes dictum priorem et prioratum de Ewenny sine dimunitione integre remanebit usque in fine sex annorum proximorum subsequentium plenorum completorum tenend et habend omnes dictas terras vna cum supradictis hominibus et cottariis et tenementis suis et omnibus aliis scilicet redditis consuetudinibus libertatibus et omnimodis aliis interim inde prouenientibus scilicet herieta relevio warda et omnibus aliis consuetudinibus secularibus et demandis que de dicta terra exeunt uel exire poterunt libere quiete pacifice bene et integre sine omni conditione cauillatione dolo et calumpnia et omni priuilegio et iuris remedio per nos uel nostros inpetrato uel inpetrando tam canonico quam ciuili usque in fine supradictorum sex annorum plenorum completorum Et si contigerit dominum Henr[icum] infra dictum terminum infata decedere quod absit dicta Bland[] fide media obligauit se iurisdictioni et coheritioni domini Landavensis episcopi archidiaconi officialis sive cuiuscumque alterius ordinarii qui pro tempore fuerint quod sine strepitu iudiciali per censuram ecclesiasticam compellatur ad dictam firmam et conuentionem fideliter obseruandam sin autem fine omni iuris remedio impetrato uel impetrando publice exq[u]icetur Pro hac autem conuentione et firma fideliter et firmiter usque in finem supradictorum sex annorum plenor[um] complet[orum] ut supradict[um] est tenend et habend dedit dictus prior dictis Henr[ico] et Bland[] xx solidos esterlingorum iniug[re]ssum premanibus et eisdem relaxauit xvi den[arios] annuos usque in finem termini prenominati in quibus eidem priori et prioratui annuatim pro annuo redditu tenebantur Et ipsi omnia supradicta ut prescriptum est predictis priori et prioratui usque in fine termini prenominati contra omnes mortales warantizabunt Et ut hec conuentio et firma rata stabilis et inconcussa permaneat robur firmitatis et fidelitatis usque in fine termini prenominati obtineat presentibus scriptum inter partes in modo cyrographi confectis hinc inde sigilla sua alternatim apposuerunt Hiis test[ibus] domininis Iohanne pincerna Willelmo de Wynton[] Daniele Syward[] Petro de veteri castro tunc constabulario de Oggemor[] Iacobo de Bonauill[] tunc seruiente de comitatu Thoma pincerna Iohanne filio Candelemi et multis aliis