Charter Document - 01350195

Robertus archidiaconus Colecestrie universis ecclesiarum prelatis per archidiaconatum Colecestrie constitutis salutem et dilectionem Universitati vestre notifico me ecclesiam de Bellomonte a Willelmo priore de Hatfeld conventu suo ad id assensum prebente sub annua pensione trium marcarum ipsi et monachis suis xx scilicet solidis in festivitate beati Michaelis xx in Pascha solvendis recepisse meque etiam eis hanc pensionem soluturum nec ecclesiam iam dictam alicui ad firmam vel alio modo citra voluntatem eorum et concessum concessurum immo sollicitam me diligentiam adhibiturum ut post meum decessum ecclesia cum suis ad eos redeat pertinentiis tactis sacrosanctis euangeliis firmiter promisisse Et ut ecclesiam suam post me absque ulla difficultate recipiant hoc ipso sacramento adieci me nulli in iam nominata ecclesia vicariam concessurum nisi primo iuraverit se si quid humanitus de me acciderit clavem ecclesie priori vel uni ex fratribus suis incontinenti traditurum Et quia de consuetudine est ut hi quibus ecclesie ad firmam a monachis conceduntur pro ipsis tam episcopo quam archidiacono debeant respondere me pro ipsis tam in his que episcopum quam que archidiaconum contingunt satisfacturum similiter obligavi Et si forte ecclesia illa per me vel incrementum vel meliorationem aliquam receperit de mea voluntate est ut ea cum sua recipiant ecclesia Et ut hec conventio inter nos habita firma et illesa permaneat eam presenti scripto et sigilli mei apposicione confirmare curavi His testibus Nicholao priore de Stokes et Adam monacho suo Gaufrido capellano Radulfo clerico Hunfrido clerico Michaele clerico Michaele dapifero Waltero magistro Eustachio de Disce Willelmo de blavinio Willelmo de Hledes et multis aliis