Charter Document - 01350067
| Charter Number: | 01350067 |
|---|---|
| Cartulary Title: | Twelfth-Century English Archidiaconal and Vice-Archidiaconal Acta [Canterbury] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1198 - 1199 |
| Date type: | Assigned |
| Resource Link(s): |
|
Charter:
Venerabili domino et amico karissimo magistro R decano Lincoln suus L archidiaconus Bedeford salutem in vero salutari Post susceptionem literarum domini Cant michi denuo transmissarum diligenti facta inquisitione per archidiaconatum Bedeford utrum ecclesia de Stiventon sententia iudicum a domino papa delegatorum monialibus de Harewold rationabiliter esset adiudicata assertione multorum michi constitit predictam ecclesiam sententialiter fuisse monialibus adiudicatam et ipsas eam aliquo tempore possedisse quam cum B de Ginnes et complices sui iniuste occupassent et detinerent contra iustitiam occupatam ipsum ut decuit commonui ut monialibus predictam ecclesiam restitueret et a tam enormi temeritate desisteret Quem cum salubres monitus meos contempnere et manifestum et notorium intrusorem viderem sicut ex mandato domini Cant et vestro suscepi ipsum B et complices suos ob manifestam et notoriam intrusionem sententia excommunicationis innodavi et ab omnibus quasi excommunicatos cautius evitari precepi Ipsi vero nichilominus ab incepta temeritate [non] desistunt
Source (click image below to view full size)
