Charter Document - 01349073
| Charter Number: | 01349073 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1083 - 1084 |
| Date type: | Assigned |
| Resource Link(s): |
Durham Cathedral Archive - Cartulary I (f45v) Durham Cathedral Archive - Cartularium Vetus (f41v) |
Charter:
Willelmus Dei gracia Rex Anglorum omnibus Episcopis Baronibus et Ministris et Hominibus suis per Angliam Francis et Anglis salutem Notum sit vobis me concessisse Priori et monachis Sancti Cuthberti omnes libertates et consuetudines quas Reges antiqui Anglorum ministris et servientibus ipsius Sancti concesserunt requirente et concedente hoc idem Willelmo Dunelmensi Episcopo Et volo et precipio ut omnes terras et ecclesias quas habent per regnum meum habeant in libera dispositione sua ita ut nullus se de ipsis intromittat nisi per consensum et licentiam eorum Sed et Archidiaconatum Priori Turgoto et successoribus ejus sicut nunc habet concedo secundum concessionem Willelmi eorundem Episcopi Omnes eciam dignitates et libertates quas in Episcopatu Dunelmensi [eis] concessit idem Episcopus eis concedo Et prohibeo ne aliquis ministrorum meorum de hiis aliquam molestiam faciat monachis Sancti Cuthberti Sed omnes libertates dignitates et consuetudines suas habeant et omnia sua sub manu et protectione mea bene et libere et in pace disponant tam in terris et ecclesiis quam in planis et pascuis silvis et aquis et in navium fracturis et Infangentheof et infra burgum et extra et in mercatione et in nundinis et in theloneis eis libertatem et quitantiam [eis] concedo et per cartam meam eis confirmo Testes sunt Thomas Archiepiscopus Eboracensis Rem Lincoln Episcopus Mauritius Lundoniensis Gun Rofensis Johannes Episcopus et Willelmo et Henrico Comitibus filiis Regis et Rodberto Comite de Mellent et Alano Comite Britannie Roberto filio Hamonis et Odone Baiocensi Episcopo et Vrsel de Habetort Apud Westmonasterium