Charter Document - 01343182

Robertus [de Stichil] Dei gracia Dunelm Episcopus [] Cum olim inter bone memorie Ricardum de Marisco Episcopum Dunelm ex una parte et Radulfum Kernet Priorem Dunelm et ejusdem loci Conventum ex altera super rebus variis gravissime questiones suborte per felicis recordacionis Ricardum secundum prefati Episcopi successoris fuissent sopite prout in quodam instrumento exinde confecto quod Convenit nuncupatur plenius continetur per quod idem Episcopus forestam suam sibi et successoribus suis de assensu eorundem reservavit prefatis religiosis ac successoribus eorundem ab omni jure quod in eadem vendicabant prorsus excludendo in verbo sacerdocii promittens quod eisdem in aliquo competenti separali bosci et pasture provideret Cumque idem predecessor noster quod in hac parte promiserat morte preventus ad effectum perducere nequivit nec successores ejusdem quamquam super hoc pluries et instantissime fuissent interpellati id efficere curarunt Nos ecclesie nostre et successorum nostrorum necnon memoratorum religiosorum et successorum eorundem utilitati paci et tranquillitati providere volentes ad honorem Dei et gloriose Virginis Marie et Beati Cuthberti dedimus et concessimus et presenti carta nostra confirmavimus dilectis in Christo filiis Hugoni Priori et Conventui Dunelm mille et trecentas acras de bosco in locis subscriptis videlicet [] totum boscum qui vocatur Denshelm qui continet in se octingentas acras et sexaginta preterea dedimus et concessimus eisdem centum et quadraginta acras de vasto nostro ex occidentali parte de Muclingwik videlicet a dextra parte vie que ducit de Muclingwik versus Edmundbires usque in torrentem qui ab Edmundbires descendit in aquam de Derwent Item ex australi parte de Denshelm sexaginta acras [] Hiis testibus Dominis Roberto de Neuille Gilberto Haunsard Marmeduco filio Galfridi Thoma de Heringtone Ricardo le Chanceler tunc senescallo Domini Dunelm Hugone de Capella Gilberto de Latone Rogero de Epplindene et multis aliis