Charter Document - 01343008

Inquisicio capta apud Felling die Sabbati in vigilia Sancte Trinitatis anno regni Regis Edwardi filii Regis Edwardi xix coram Willelmo de Denum et Ricardo de Emeldon in presencia Domini Johannis de Fennewyk vicecomitis Northumbrie et custodis manerii de Felling per prefatos Willelmum et Ricardum ad hoc premunitos per sacramentum Johannis de Plecys Thome de Wotton Johannis de Lyham Alani clerici de Wotton Ricardi de Ogle Johannis Proketour de Eland Henrici de Middelton Henrici de Aketon Willelmi de Wyndegates Hugonis de Qwelpington Johannis de Alanscheles Willelmi Witteflese hominum de comitatu Northumbrie si Walterus de Seleby nuper tenuit manerium de Felling cum pertinenciis in Episcopatu Dunelm de Priore Dunelm per servicium militare homagium et fidelitatem et per servicium ij marcarum per annum et per sectam ad curiam ipsius Prioris de quindena in quindenam quod quidem manerium predictus Dominus Rex per cartam suam dedit Radulpho de Epplingden et si idem Prior et predecessores sui de redditu predicto per manus predicti Walteri ut veri tenentis sui toto tempore suo et postmodum per manus predicti Radulphi similiter ut veri tenentis sui toto tempore suo pacifice fuerunt seisiti quousque manerium predictum ad manus ipsius Regis per foris facturam ipsius Radulphi devenit et si predictum manerium in manu ipsius Regis existat per foris facturam ipsius Radulphi an alia de causa et quantum valet per annum in omnibus exitibus juxta verum valorem Qui dicunt super sacramentum suum quod quidam Prior Dunelm predecessor istius Prioris cujus nomine ignorant primo tempore Regis Henrici avi Domini Regis nunc per cartam suam feoffavit quendam Walterum de Seleby de manerio de Felling cum pertinenciis tenendum sibi et heredibus suis de predicto Priore et successoribus suis per servicium militare homagium fidelitatem et scutagium videlicet per iv s ad scutagium quando currit ad xl s et ad plus [] et sic per servicium militare et per servicium ij marcarum per annum ad festa Pentecostes et Sancti Martini in hieme per equales porciones et faciendum sectam ad curiam ipsius Prioris apud Dunelm de quindena in quindenam pro omnibus serviciis de quibus serviciis predictis Prior seisitus fuit per manus predicti Walteri et postea Prior Dunelm predecessor istius Prioris seisitus fuit de predictis serviciis per manus Ade de Seleby filii et heredis predicti Walteri et post mortem suam per manus Walteri de Seleby filii et heredis predicti Ade et quod quidam Galfridus de Burdon predecessor istius Prioris seisitus fuit de predictis servicio militari homagio fidelitate redditu ij marcarum et secta curie tempore Domini Regis nunc per manus Walteri de Seleby filii et heredis predicti Walteri filii Ade ut per manum veri tenentis sui quousque predictum manerium ad manus predicti Domini Regis per foris facturam ipsius Walteri devenit sed si predictus Prior qui nunc est vel predecessores sui seisiti fuerunt [] ut supra seisiti fuerunt de predictis serviciis per manum predicti Radulphi de Epplingden ignorant Et dicunt quod predictum manerium per foris facturam ipsius Radulphi in manna Regis jam existit et quod valet per annum in omnibus suis exitibus juxta verum valorem xl s preter servicia predicta et valuit ante combustionem Episcopatus Dunelm viij marcas de claro preter predicta servicia In cujus rei testimonium huic inquisicioni sigilla predictorum Willelmi et Ricardi et prefatorum juratorum inquisicioni predicte sunt appensa Datum die et anno et loco supra dictis