Charter Document - 01343002
| Charter Number: | 01343002 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
Durham Cathedral Archive - Cartularium Vetus (f95r) |
Charter:
Johannes filius Roberti [] Deo et Beate Marie et Sancto Cuthberto et Priori et monachis Dunelm ecclesie in puram et perpetuam elemosinam capellam Sancte Marie Magdalene extra villam de Werckewrthe cum gardino et terra infra fossatum ad capellam pertinente et insuper sexcies viginti acras terre arabilis in campo de Werckeuurthe cum prato quod vocatur Brainesleie in parco meo ad quod falcandum levandum et cariandum habebunt liberum ingressum et egressum sine aliquo impedimento et absque alio dampno predicto parco meo ab ingredientibus et egredientibus inferendo Et j salinam et focale de turba sufficiens ij monachis ibidem residentibus capiendum ubi ad opus meum capio Et ut molant sine multura de propriis bladis suis que crescent in terra illa Et pasturam ad xij boves et v vaccas et iiij equos et sexcies viginti oves in propria pastura mea cum propriis animalibus meis Et xx porcos liberos a pannagio in parco meo a festo Sancti Michaelis usque ad festum Sancti Martini Hiis testibus Willelmo de Coiners Widone de Grantsart Willelmo Baiard Walerando milite Johanne de Winlaketon tunc seneschallo meo Waltero et Roberto de Monasteriis Girardo de Widrington Gilberto de Toggisdene Magistro Rogero de Toggesden Adam de Dicton Roberto genero Huwrd Pagano preposito Roberto tinctore et aliis