Charter Document - 01342127
| Charter Number: | 01342127 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1162 - 1189 |
| Date type: | Assigned |
| Resource Link(s): |
Durham Cathedral Archive - Cartulary II (f121r) |
Charter:
Helias filius Adam de Moreslawe omnibus videntibus vel audientibus hoc scriptum salutem sciatis me de consensu uxoris mee et heredum meorum in presencia Domini Germani Prioris et tocius Conventus Sancti Cuthberti de Dunelmo in perpetuum abjurasse et Beato Cuthberto et predictis monachis quietas clamasse quater viginti acras terre quas habui in Moreslawe cum omnibus ad eandem terram pertinentibus scilicet cum tofto et crofto et cum duos acris et dimidia prati Et ipsi monachi de misericordia sua concesserunt uxori mee in vita sua duos acras terre cum unum tofto ad easdem acras pertinente tenendas de eis in eadem villa libere et quiete Et me intuitu caritatis in curia sua receperunt et quamdiu eis fidelis fuero servientem suum fecerunt scilicet ad hostium bracini sui servandum vel ad aliud officium domus in quo me magis necessarium viderint faciendum quod in eorum disposicione erit Tali condicione quod dum vixero et eis fidelis fuero recipiam una quaque septimana in curia predicta quarto decem panes quales alii servientes domus ad livere issum recipiunt et annuatim dabunt mihi ad festum Sancti Cuthberti in Septembri duos solidos Ego autem predictis monachis juramentum prestiti quod in omnibus eis fidelis ero et ubique bona domus ad posse meum servabo ita quod in nullo furtum vel infidelitatem cum viderim celabo Si vero aliquid infidelitatis in officio meo vel alio fecerim vel alicujus alterius iniquitati unde perdentes sint monachi consenserim ab omni officio curie ero depositus et a consorcio eorum sine omni spe revertendi ad predictam terram de Moreslawe in perpetuum alienatus Preterea quicquid pater meus Adam fecit scilicet de villa de Moreslawe cum pertinenciis suis quam ipse abjuravit et Beato Cuthberto et monachis ejus quietam clamavit ratum habeo et presenti carta confirmo Hiis testibus Magistro Waltero de Hadintona Rogero de Feria Willelmo de Kettona Rogero de Belasis Alano et Henrico et Rogero et Willelmo famulis de ecclesia Gileberto clerico Adam de cellario Johanne de Kettona Alano de Feria Alano clerico Prioris Constantino Vnspac Eylif et Sewine de bracino Waltero Uilain Radulfo filio Rogeri Rogero de Waleshene Alexandro de cellario Gregorio de coquina Erniso Dogge