Charter Document - 01342010
| Charter Number: | 01342010 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Religious |
| Charter Type(s): | Inquisition |
| Date: | 1217 - 1226 |
| Date type: | Assigned |
| Resource Link(s): |
Durham Cathedral Archive - Cartulary II (f79v) |
Charter:
Inquisicio facta apud Bolburnhede juxta Heworth usque ad campum de Folasceby per duodecim juratos qui dicunt super sacramentum suum quod homines Prioris de Heworth cum averiis suis toto tempore Ricardi de Marisco Episcopi Dunelm et ex tunc usque hunc diem paverunt pasturam more per totum a fonte qui dicitur Bolburnhede descendendo secundum cursum ejusdem fontis versus orientem usque campum de Folasceby et iterum ascendendo ab eodem fonte versus aquilonem usque Wrakendyk per quoddam syketum quod descendit a marisco subtus Blakelawe et sic descendendo per Wrakendyk versus orientem usque Whitemere et quod in dicta mora ab eodem tempore et prius absque aliquo impedimento soliti sunt brueram eradicare et turbas excoriare ad libitum Item alie limites specificantur in carta videlicet de capite fontis de Bolleburn usque ad Suburn et de Suburn usque Northburn et de Northburn usque Hayrope versus orientem secundum cursum aque et de Hayrope usque Harecarre versus aquilonem usque divisas de Hethworth et de Hethworth ad Blachelawe et de Blachelawe usque Wrakendyk et ad fontem de Bolleburn Item limites inter Bollesdon et Folasceby videlicet del Estrother usque ad Restulle et de Restulle ad Blachelawe et de Blachelawe ad mareys de Wrachenndhegge Iste sunt divise de Folasceby