Charter Document - 01342002
| Charter Number: | 01342002 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1244 - 1258 |
| Date type: | Assigned |
| Resource Link(s): |
Durham Cathedral Archive - Register I (fi10r) |
Charter:
Reverendo amico suo Domino R de Crepping Bertramus Prior ecclesie Dunelmensis salutem et promptissimam ad obsequia voluntatem Datum est nobis intelligi quod quedam inquisicio fiet de domibus quas Henrici Gategang tenet de nobis in Novo Castro videlicet utrum sint de serjancia Domini Regis nec ne Unde rogamus vos attente quatinus pro amore nostro et precum optentu partes vestras si placet interponere velitis ad tuendum jus nostrum et Ecclesie Dunelmensis nec si placet permittatis quod tempore vestro aliqua fiat injuria Ecclesie Dunelmensis in hac parte que huc usque non fiebat Scientes quod domos illas juste possidemus et eciam possedimus illas bene et in pace a tempore Philippi de Ulecotes per quem ingressum habuimus in illas per quandam summam pecuniai videlicet c libras quas eidem tradidimus Tantum ad preces nostras facientes si placet ut vobis de cetero ad grates teneamur speciales et obsequia Valete