Charter Document - 01341199
| Charter Number: | 01341199 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 - 1212 |
| Date type: | Assigned |
| Resource Link(s): |
Durham Cathedral Archive - Register I (fi93v) Durham Cathedral Archive - Cartulary II (f251r) |
Charter:
Bertramus Prior et Conventus Dunelmensis ecclesie omnibus videntibus vel audientibus has litteras salutem Noverit universitas vestra nos concessisse et hac presenti carta nostra confirmasse fidelibus burgensibus nostrie de novo burgo nostro in Eluetehalch scilicet a via que jacet juxta domum Abbatie de Novo Monasterio ex aquilonali parte versus Scaltoc ut liberi sint et quieti a consuetudinibus et exaccionibus et omnibus auxiliis excepto quod curiam nostram et placita in manu nostra retinemus Quare volumus et concedimus ut predicti burgenses nostri habeant et teneant et jure hereditario possideant de nobis terras suas in predicto burgo nostro cum omnibus prefatie libertatibus [] reddendo inde nobis annuatim firmam nostram juxta quod inter nos convenit scilicet medietatem ad festum Sancti Cuthberti in Quadragesima et aliam medietatem ad festum Sancti Cuthberti in Septembri Et sciendum est quod prenominati burgenses nostri molendinum nostrum sequentur et molent ad xviij vas Si vero nos per graciam et licenciam Domini nostri Episcopi forum vel nundinas in eodem burgo poterimus adipisci omnes rectitudines que ad forum et ad nundinas pertinent ad nos omnino spectabunt Hiis testibus Simone Camerario Magistro Ricardo de Coldingham Magistro Henrico Magistro Angerio Rogero de Kocene Magistro Willelmo Blesensi Rogero do Punchardun Willelmo filio Willelmi Rogero Burdone Rogero Dandri Simone de Hathorne Ranulfo de Fysseburne Johanne de Kettone Hugone Hauet Ricardo Brun Gilberto de camera et aliis multis