Charter Document - 01341172
| Charter Number: | 01341172 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1162 - 1186 |
| Date type: | Assigned |
| Resource Link(s): |
Durham Cathedral Archive - Register I (fi73v) |
Charter:
Germanus Prior et Capitulum Sancti Cuthberti de Dunelmo omnibus hominibus suis de Haliwarfolc Francis et Anglia salutem Sciatis nos dedisse et concessisse Hugoni filio Walteri de Bet et heredibus suis totam villam de Het per has divisas scilicet de antique vado de Thinneford usque ad spinam ex orientali parte de via molendini de Bet et ita a spina nominata usque ad viam que ducit ad introitum ville de Het et sic usque ad Meredene et a Meredene usque ad antiquam fossam inter Sunderland et Ferie Habendam et tenendam de nobis in capite in feudo et hereditate cum omnibus pertinentiis ejusdem ville liberam et quietam in bosco et plano in pratis et pascuis et exitibus et moris et cum molendino ejusdem ville Reddendo inde nobis singulis annis j marcam argenti dimidiam marcam ad Pentecosten et alteram dimidiam marcam ad festum Sancti Martini pro omni alio servitio consuetudine et exactione Et volumus et precipimus quod hec nostra donatio rata sit et stabilis et quod predictus Hugo et heredes sui predictam terram de nullo recognoscant nisi de nobis sed habeant et teneant eandem terram libere et quiete excepto quod si hutwar contigerit dabunt quantum ad j carucatam terre pertinet Dictus autem Hugo et heredes sui et homines sui de Het habebunt communem pasturam in mora de Ferye per has divisas scilicet sicut publica via tendit de Blackelaue usque ad Thineford et de eadem mora infra dictas divisas sument dictus Hugo et heredes sui et homines sui de Bet necessaria per visum servientia nostri sine vasto et sine datione et venditione Hiis testibus Johanne Archidiacono Symone Camerario Ricardo de Coldingham Magistro Waltero de Hadingtona Waltero de Rane Waltero dapifero Waltero de cellario Johanne Pincerna Adam Pincerna fratre ejus Rogerus de Wluestona Roberto Puinant Marmedoc et multis aliis