Charter Document - 01341163
| Charter Number: | 01341163 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1153 - 1195 |
| Date type: | Assigned |
| Resource Link(s): |
Durham Cathedral Archive - Register I (fi77r) Durham Cathedral Archive - Cartulary IV (f12r) |
Charter:
Hugo Dei servus Dunelmensis Episcopus [omnibus hominibus tam Francis quam Anglis salutem] Sciatis nos concessisse et presenti carta nostra confirmasse Matilde Priorisse de Monkton et monialibus ibidem Deo servientibus totam villam de Staynton super Schyrnam in Haliwerfolc [cum omnibus ad eam pertinentibus in bosco in plano in pratis in pascuis in aquis in viis in semitis in molendinis in stagnis in moris in pasturis in mariscis et in omnibus asyamentis et libertatibus infra villam et extra] quam Iueta de Arches soror ejusdem Priorisse assensu et concessione sui mariti et heredum suorum monasterio de Monketone in puram et perpetuam elemosinam dedit et carta sua confirmavit Preterea concessimus et confirmavimus predicte Matilde Priorisse et monialibus omnes libertates quas Johannes de Amundeuille habuit in capella de Stayntone qui ejusdem fundator erat scilicet quod ecclesia de Acley predicte capella inveniet celebracionem tribus diebus in qualibet septimana et ipse moniales et omnes homines illius ville baptismum confessionem viaticum et omnia jura qum Christianus habere debet in predicta capella recipient in perpetuum salvo jure ecclesie de Acley in omnibus decimis oblacionibus et obvencionibus suis pro omnibus hiis libertatibus habendis dedit predictus Johannes duas bovatas terre ad sustentacionem unius capellani predicte capelle in prenominata villa de Stayntone cum omnibus pertinenciis suis liberas et quietas ab omni servicio Hec precipue concessimus propter difficultates seu magna pericula que possent accidere hominibus de Staynton propter longam viam que interjacet Quare volumus et precipimus quod predictum monasterium de Monketon habeat et teneat memoratam villam de Staynton cum omnibus pertinentiis suis libere quiete et honorifice sicut alia monasteria in episcopatu nostro collata sibi beneficia melius et liberius tenent Hiis testibus []