Charter Document - 01341151
| Charter Number: | 01341151 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1109 - 1114 |
| Date type: | Assigned |
| Resource Link(s): |
Durham Cathedral Archive - Cartulary I (f237v) Durham Cathedral Archive - Cartulary II (f207v) Durham Cathedral Archive - Cartularium Vetus (f65r) Durham Cathedral Archive - 1.12.Spec.23 |
Charter:
Karissimo Domino et fratri suo Willelmo Nigellus de Albini salutem et fraternam dilectionem Ex quo nati fuimus utique vos de mea necessitate et auxilio et me de vestris satis exoratos existimo Precor igitur vos frater karissime ut cum per Dei misericordiam naturali et carnali vinculo conjuncti simus hoc alter ad alterum cum necessitas evenerit in operibus ostendamus Ecce frater karissime peccata mea maxima et iniquitates Dei misericordia diutius tolerare non valens flagella justicie sue carni mee miserrime misericorditer admovit ne per peccatricem insolentiam anima mea eternam mereretur gehennam Ego si quidem quod in prosperitate mea melius facere potuissem vos quem super omnes diligo honoris mei et rerum mearum constitui heredem eo videlicet tenore ut redditiones terrarum quas ego Eboracensi et Dunelmensi feci ecclesiis pro salute anime mee et redemptione peccatorum meorum et quia ipse terre ecclesiis illis jure adjacent reddidi et concessi [] nullo modo violare presumatis sed ut donatio mea firma sit et stabilis vestris viribus et omnium amicorum nostrorum faciatis Terre autem quas ego reddidi ecclesiis hec sunt [] Ecclesie Dunelmensi et Sancto Cuthberto ij maneria que Walter filius Alsi de me tenebat ultra Teisam scilicet Bermentun et Scirningeham et quicquid ad eas pertinet []