Charter Document - 01341110

Terminus incepit ad festum Sancti Laurencii anno Domini MCCLXXIX de manerio de Heworth cum tota dominica terra arabili pratis pascuis communis et pasturis separalibus in parte occidentali de Colepath videlicet de Heworth dame ubi Colepath incipit et sic descendendo usque in aquam de Tyne cum toto prato quod vocatur Saltemedus sub le Haynyng cum serviciis predicto prato pertinentibus de potariis de Nether Heworth salvo dominis toto prato quod crescet in Colepath habendum usque ad terminum xxvij annorum libere quiete bene et in pace in pratis pascuis moris et mariscis boscis planis viis semitis marlariis et omnibus aliis sicut dominus melius et liberius dictum manerium tenuit Reddendo annuatim iv libras xx denarios ad duos anni terminos medietatem ad Pentecosten et aliam medietatem ad festum Sancti Martini et xvi solidos viii denarios ad mandatum Dunelmensis in dominica Palmarum pro decima garbarum dominici prenominati et x solidos pro minutis decimis Magistro de Jarowe pro omnibus aliis serviciis [] Et dictus firmarius non communicabit cum aliquibus averiis suis in terra culta ex parte orientali de Colepath nec eciam in terra culta ex parte australi vie que ducit de Boldon ad Gatesheued nec dominus feodi seu ejus homines vel tenentes de Over Heworth communicabunt cum averiis suis aliquibus in parte occidentali de Colepath nec ex parte aquilonari vie prenominate Et dictus firmarius molet bladum suum quod crescet in dominico predicti manerii apud molendinum de Heworth sine multura et habebit annuatim sex carucatas bosci de bosco de Heworth et recepit xvj acras de frumento et iiij de ordeo et xx de avena bene seminatas recepit edam viij boves ij jumenta j carucatam bene ferratam et j carucatam et j carucatam et edificia inventa in adeo bono statu sicut ea invenit restituet in fine termini et in aliqua edificia vel murum in dicto manerio de novo edificaverit in fine dicti termini per visum et consideracionem virorum in ultima solucione firme sue al locabitur