Charter Document - 01340093

Johannes Dei gratia Rex Anglie Dominus Hibernie Dux Normannie et Aquitanie Comes Andegavie Archiepiscopis Episcopis Abbatibus Comitibus Baronibus Justiciariis Vice comitibus Prepositis Ministris et omnibus Ballivis et fidelibus suis salutem Sciatis nos concessisse ut omnes Priores Dunelmensis Ecclesie qui futuri sunt omnes libertates consuetudines dignitates et honores Abbatis optineant et sedem Abbatis in choro sinistro habeant et omnes fratres officiales ipsi libere statuant et removeant et jure Decani primum locum et vocem post Episcopum et in Episcopi sui electione cum Capitulo suo teneant atque quascumque dignitates seu honores Decani Ebor sub Archiepiscopis suis vel super Archidiaconos ecclesie Ebor possederint Priores quique Dunelmenses sub Episcopo suo et super Archidiaconos prefate ecclesie libere et quiete in perpetuum possideant Concedimus eciam eis et confirmamus quicquid Episcopus Willelmus de Episcopatu suo eis dedit seu quicquid sequaces illius in posterum eis donaverint insuper et omnes libertates atque dignitates quas illis concessit Precipimusque ut omnes terras suas in libera dispositione sua et ecclesias suas in manu propria habeant quatinus quantum poterint redditus suos ex eis semper accrescant ita ut nullus se de ipsis intromittat nisi per consensum vel licentiam eorum Et suscipimus eos et omnes possessiones et res eorum in protectione nostra et custodia Decedente vero Priore liberam electionem habeant qui Priores minime deponantur nisi indigni fore comprobentur Hec et omnia alia que in presenti possident vel in posterum adquirere juste poterint sive de pecunia Sancti Cuthberti emerint ad honorem et ob amorem predicti Sancti in terris et ecclesiis aquis villis silvis planis pascuis et molendinis cum sach et sochne tol et theam et in fangenthefe et ut curiam suam plenariam in terra sua libere et quiete in perpetuum habeant concedimus et confirmamus Precipimus eciam ut ipsi cum hominibus suis liberi et quieti in perpetuum penitus sint ab omnibus exitibus exactionibus reditibus teloneis tridenes hundredes wapentages et omnibus consuetudinibus ceteris regiis que ad coronam nostram in regno nostro pertinent Omnes prescriptas libertates et dignitates Deo et Sancto Cuthberto pro salute anime nostre et parentum heredum vel successorum nostrorum in perpetuum eis tribuimus et concedimus et inviolabiliter conservari precipimus sicut carta H Regis avi H Regis patris nostri quam inde habent rationabiliter testatur Testibus G filio Petri Comite Essex Willelmo Briwerr Hugone de Neuill Henrico de Neuill Roberto de Veteriponte Petro de Stok Radulfo de Muleton Roberto de Braibroc Datum per manum S prepositi Beverlacensis et Archidiaconi Wellensis apud Neuport ij die Februarii anno regni nostri quinto