Charter Document - 01340072
| Charter Number: | 01340072 |
|---|---|
| Cartulary Title: | Feodarium Prioratus Dunelmensis [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1083 - 1084 |
| Date type: | Internal, Regnal |
| Resource Link(s): |
Durham Cathedral Archive - Cartularium Vetus (f41r) |
Charter:
In nomine Patris et Filii et Spiritus Sancti Amen Ego Willelmus Dei gracia Rex Anglorum hereditario jure factus presentibus Archiepiscopis et omnibus Episcopis et Justiciariis meis ex precepto Domini Pape Gregorii vii et peticione Willelmi Dunelm Episcopi Aldunum Priorem et omnes successores ejus et omnes monachos in ecclesia Sancti Cuthberti in posterum servituros cum omnibus quecumque idem Willelmus seu successores ejus vel quilibet alli fideles eis amodo dederint in mea dominica manu protectione et custodie et heredum meorum in perpetuum suscepi Insuper concessi eis in perpetuum et presenti carta confirmavi omnes dignitates honores et libertates quascumque idem Willelmus in concilio meo illis concessit videlicet ut de sua semper congregatione liberam Prioris electionem habeant et qui eorum electione Prior fuerit ipsam et eos et omnes ecclesias terras et possessiones eorum in mea defensione suscepi et secundum antiquam Lindisfarnensis ecclesie dignitatem Priori dexteram Episcopi sui et primum locum et honorem in omnibus post Episcopum et in ecclesia Dunelm sedem Abbatis in choro sinistro et omnia officia et jura Abbatis super monachos et illorum possessiones nomine Prioris concessi ac super ecclesias eorum et clericos ecclesiis deservientes quas per Episcopatum Dunelm cujuscumque largicione adipisci potuerint Archidiaconatus officium eis confirmavi quatinus liberam dispositionem omnium rerum suarum sine alicujus exactione vel gravamine in eternum possideant Preterea do et concedo Priori et monachis Sancti Cuthberti ubicumque aliqua tenementa in regno meo habuerint ut habeant curiam suam cum omnibus rebus que ad curiam pertinent cum Sacha et Sochna et Toi et Team et Infangenetheof et Wrech [et Weif] et liberi sint ubique de forestagio pasnagio tolneio passagio hundr tridenes et wapentacnes et omnibus ceteris consuetudinibus que ad me pertinent Prohibeoque ne omnino placitant aut alicui respondeant de re aut tenura de qua vestiti vel saisiti fuerint super forisfacto meo Hec carta confirmata est anno xviij regni mei quam et ego ipse Rex Anglie Willelmus propria manu mea signo sacrosancte crucis impressi et confirmavi coram Archiepiscopis Episcopis Abbatibus Justiciariis Comitibus et omnibus Baronibus meis in concilio meo apud Westmonasterium sicut prefatus Papa Gregorius vii per Episcopum Dunelm G michi in remissionem peccatorum meorum injunxit Signum + Willelmi Regis Signum + Lanfranci Archiepiscopi Signum Thome + Archiepiscopi Signum Willelmi + Dun Episcopi Signum + Odonis Episcopi Signum Herberti Episcopi + Signum + Elsi Abbatis Signum + Scolandi Abbatis Signum Turketin + Abbatis Signum Turoldi + Abbatis Signum + Gisebrict de Gant Signum Hugonis + Comitis Signum + Vrsonis [capellani] Signum + Willelmi capellani