Charter Document - 01332003
| Charter Number: | 01332003 |
|---|---|
| Cartulary Title: | Ecclesiastical Documents [Bath] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1157 |
| Date type: | Assigned |
| Resource Link(s): |
|
Charter:
Frater Guillelmus Savignei dictus abbas omnibus abbatibus ad Savigneum pertinentibus salutem Notum vobis facimus quod postquam audivimus abbatem Matheum de Basinguec querimoniam fecisse in capitulo Cisterciensi de Abbate Rannulfo de Billewas quod abbatias de Basinguec et de Dublina quas per Savigneium habebat contra formam ordinis tenet utrisque mandavimus propter bonum pacis ut ante tempus capituli sequentis Savignei se presentarent Et ipsi sic fecerunt Auditis itaque in capitulo Savignei querelis et gravaminibus abbatis Mathei de Basinguec et responsis abbatis Rannulfi de Billewas et cartis quas in eodem capitulo ab abbate R de Curci et conventu suo de predictis abbatiis transactis plusquam xx annis acceperat dignum duximus cum abbatibus qui aderant et cum senioribus nostris secretius inde tractare Tunc rogavimus eos uti se ex toto consilio nostro et providencie committerent et consenserunt Nos autem illis remotis considerantes discrecionem et prudentiam antecessorum nostrorum qui prefatas abbatias abbati R et Conventui de Billewas tradiderunt et cartis confirmaverunt propter necessarias causas et utiles dignum judicavimus quicquid super hec fecerunt ratum et firmum haberi imperpetuum Pace igitur inter eos reformata in communi capitulo nostro presentibus Abbatibus Galtero de Neht et Moyse de Veteri Villa commendavimus abbati Ranulfo de Billewas omnem curam et ordinacionem predictarum domorum sicut filiarum suarum sicut antecessores nostri prius commendaverant et ejus carte testantur Injunximus quoque Abbati Matheo de Basinguec et Abbati A de Dublina ut ipsi et domus sua ex toto intendant et obediant abbati et domui de Buldewas sicut filii patri et sicut filie matri Facta sunt hec in capitulo Savignei abque ulla contradictione Hiis testibus Roberto priore et subpriore Petro et Stephano de Furnesia Josleno qui ibi fuerat Abbas Ramaldo de Cham et toto capitulo
Source (click image below to view full size)
