Charter Document - 01330015
| Charter Number: | 01330015 |
|---|---|
| Cartulary Title: | Ecclesiastical Documents [Bath] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1274 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum Dei dilectis filiis Abbati et Conventui de Euesham Wigorniensis dioecesis ad Romanum ecclesiam nullo media pertinentis salutem et apostolicam benedictionem Licet singuli Archiepiscopi et Abbates exempti Regni Anglie ab eorum subditis quendam annuum censum denarium beati Petri vulgariter dictum ipsos proportionaliter contingentem in regno eodem tempore debito colligentes illum per proprios nuntios singulis annis prefate Ecclesie reverenter transmittant vobis tamen et successoribus vestris ampliorem gratiam et favorem facere volentes dictum annuum censum ab indigenis exemptionis vestre necnon de Mortona et Amberleia sicut retroactis temporibus colligere consuevistis per vos adhuc colligi voluimus et mandamus solutionem ipsius census de quinquennio in quinquennium per proprium nuntium vestrum camerario nostro faciendam specialiter reservantes Datum Laterani vi Nonas Maii Pontificatus nostri anno quarto
Source (click image below to view full size)
