Charter Document - 01330005
| Charter Number: | 01330005 |
|---|---|
| Cartulary Title: | Ecclesiastical Documents [Bath] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1175 - 1193 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Johannes Dei gratia Norwicensis Episcopus salutem in Domino Cum quanta possimus vigilancia sollicitudinis Sancte Religionis profectibus et incrementis nos decet invigilare et eam speciali provisionis studio fovere et protegere ea propter volumus ad universorum pervenire noticiam nos dilectis in Christo filiis Monachis de Acra apud Reynham in loco qui dicitur Normannesberghe Deo servientibus et inperpetuum servituris Dei causa et religionis intuitu in eodem loco de novo plantato ecclesiam de South Reynham canonice concessisse et confirmasse in proprios usus suos ad eorum scilicet sustentacionem cum omnibus ad eandem ecclesiam pertinentibus habendam inperpetuum possidendam ex donacione Godefridi de Lesewys ejusdem ecclesie patroni Salva possessione Willielmi de Beke Rectoris ecclesie illius quamdiu vixerit et salvis quoque honore reverentia et dignitate debitis et consuetud[inibus] sancte Norwycensis ecclesie et honesta et sufficienti sustentacione vicarii qui in predicta Ecclesia ministrabit Et ut hec nostra concessio confirmacio stabilis perseveret inperpetuum eam presenti scripto et sigilli nostri patrocinio communimus Testibus Thoma archidiacono Eustachio et Willelmo capellanis magistro Lamberto Magistro Waltero de Caln Roberto Chipeham magistro Gervasio
Source (click image below to view full size)
