Charter Document - 01321002

Henricus Rex Anglie [] Sciatis quod cum dilecti nobis in Christo Abbas et conventus de Flixlege Cistertiensis ordinis percipere consueverint duas quercus in foresta nostra de Dena singulis septimanis ad sustentationem unius sorgie sue in eadem foresta ex collatione domini Henrici avi nostri et confirmatione nostra in perpetuam eleemosynam et hoc ad magnum detrimentum dicte foreste et ad damnum nostrum Nos detrimentum ibidem et damnum advertentes ad instantiam dictorum Abbatis et monachorum misimus de consilio nostro dilectos et fideles nostros Henricum de Bathonia [et Robertum] Waleraund ad partes illas ad inquirendum per sacramentum tam militum quam aliorum liberorum et legalium hominum per quos rei veritas melius sciri posset in hac parte predicte foreste commodius assignare possemus eisdem Abbati et monachis quandam partem bosci in recompensationem predictarum duarum quercuum ad minus detrimentum ejusdem foreste et minus damnum nostrum Quia vero accepimus per inquisitionem factam per predictos Henricum et Robertum quod est ad commodum nostrum et salvationem predicte foreste assignare dictis Abbati et Monachis in recompensationem predictarum duarum quercuum quandam partem bosci in eadem foresta in forma subscripta infra has bundas ac in divisas videlicet de Ardlonde usque ad vadum in Sinderforde in sinistra parte et de vado illo usque ad vadum de Suthlege et abinde per vallem rivuli qui vocatur Smalebroke usque ad cheminum qui vocatur Rugeweye et per predictum cheminum in longitudine usque ad terram Johannis de Rodleye in sinistra parte et a terra illa usque ad predictum Ardlande sicut coopertum dicti bosci se extendit Nos de consilio nostro assignavimus et concessimus eisdem Abbati et monachis in recompensationem predictarum duarum quercuum predictam partem bosci infra bundas et divisas prescriptas habendam et tenendam eisdem Abbati et monachis et eorum successoribus et ecclesie sue de Flexlege in perpetuam eleemosynam quietam de vasto et regardo et de visu forestarii et viridarii et de omnibus que ad forestarium et viridarium vel eorum ministros pertinent excepta venatione nostra Salvis nobis et heredibus nostris herbagio dicti bosci et eris austeriorum falconum et sparvariorum et mineria si inveniatur ibidem Ita etiam quod ipsi Abbas et monachi habeant attachiamenta dicti bosci et si sibi viderit expedire liceat decimam partem dicti bosci claudere sepe que sit defensabilis contra omnia animalia preterquam contra feras nostras et stet sepes illa per quadrennium tantum et tunc diruatur et alibi claudatur decima pars per quadriennium et sic de quadriennio in quadriennium claudatur decima pars dicti bosci in diversis locis ita quod novem partes ejusdem bosci semper sint extra clausturam Quare volumus et firmiter precipimus pro nobis et heredibus nostris quod predicti Abbas et Monachi et eorum successores et ecclesia sua de Flexlege habeant et teneant in recompensationem predictarum duarum quercuum predictam partem bosci infra bundas et divisas prescriptas in perpetuam eleemosynam quietam de vasto et regardo et de visu forestarii et viridarii et de omnibus que ad forestarium vel viridarium vel eorum ministros pertinent excepta venatione nostra Salvis nobis et heredibus nostris herbagio dicti bosci et eris austeriorum falconum et sparvariorum et mineria si inveniatur ibidem Ita etiam quod predicti Abbas et monachi habeant attachiamenta dicti bosci et si viderit sibi expedire liceat eis decimam partem dicti bosci claudere sepe que sit defensabilis contra omnia animalia preterquam contra feras nostras et stet sepes illa per quadrennium tantum et tunc diruatur et alibi claudatur decima pars per quadriennium et sic de quadriennio in quadriennium claudatur pars decima dicti bosci in diversis locis ita quod novem partes ejusdem bosci semper sint extra clausturam sicut predictum est Hiis testibus [] Datum apud Clarendon xxviii die Maii anno regni nostri quadragesimo secundo