Charter Document - 01321001
| Charter Number: | 01321001 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1227 |
| Date type: | Internal, Calendar, Regnal |
| Resource Link(s): |
|
Charter:
Henricus Dei gratia [] Sciatis nos intuitu Dei et pro salute anime nostre et antecessorum et heredum nostrorum dedisse concessisse et hac carta nostra confirmasse Deo et ecclesia Beate Marie de Dena et abbati et monachis Cisterciensis ordinis Deo ibidem servientibus et successoribus suis in liberam puram et perpetuam eleemosynam totum boscum circa predictam abbatiam ad focum suum per metas subscriptas scilicet in longum rivuli juxta campum monachorum predicti loci ascendendo usque Fulhiate et a Fulhiate usque ad magnum cheminum quod tendit de Abbenhale usque ad Parvam Dene et de predicto chemino a latere montis qui vocatur Walsebyre usque ad viam equorum que tendit usque ad Abbenhale et de parvo ficheto decurrente in longum predicte vie usque ad boscum Johannis de Munemuta de Hope ascendendo et de predicto bosco per divisam inter boscum predicti Johannis et boscum de Tymbrigge et Castiarde usque ad rivulum de Hope et de predicto rivulo circuendo usque ad campum de Roseley et in longum predicti campi usque ad grangiam predictorum monachorum que est juxta predictam abbatiam claudendum bassa haia et parvo fossato ita quod fere intrare et exire possint Et sciendum quod predictus abbas et successores ipsius et monachi ejusdem loci nihil capient vel capere possunt in foresta nostra de Dene de cetero ad focum suum sine licentia nostra vel heredum nostrorum sicut in ea capere consueverunt ante donacionem et concessionem istam per cartam Henrici regis avi nostri quam inde habent Volumus etiam quod totus predictus boscus circa predictam abbatiam infra metas predictas quietus sit in perpetuum de regardo et vasto et de omnibus que ad forestarium vel viridarium vel eorum ministros pertinent excepta venatione nostra Quare volumus et firmiter precipimus quod predicti abbas et monachi predicte ecclesie Beate Marie de Dena habeant et teneant totum predictum boscum per metas predictas in liberam puram et perpetuam eleemosynam bene et in pace libere quiete integre plenaria cum omnibus pertinentiis libertatibus et liberis consuetudinibus suis in omnibus locis et rebus quietum in perpetuum de regardo et vasto et de omnibus que ad forestarium vel viridarium vel eorum ministros pertinent et ab omni seculari servitio et exactione excepta venatione nostra sicut predictum est Hiis testibus [] Datum apud Westmonasterium xi die Februarii anno regni nostri undecimo
Source (click image below to view full size)
