Charter Document - 01320085
| Charter Number: | 01320085 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
|
Charter:
Willelmus filius Roberti filii Martini omnibus amicis suis et hominibus Francis et Anglis et Wallensibus Sciatis me concessisse et hac presenti carta confirmasse Monachis de Dena totam terram de Ragel que est de feudo meo cum omnibus pertinentiis suis quam Willelmus de Sancto Leodegario predictis Monachis dedit in perpetuam et puram eleemosynam sicut idem Willelmus de Sancto Leodegario predictis monachis carta sua confirmavit et concessit salvo servitio quod predictus Willelmus et heredes sui mihi et heredibus meis facere debent scilicet servicium duarum partium unius militis sicut carta mea testatur quam dicto Willelmo feci Confirmavi etiam predictis monachis et concessi omnem donationem et conventionem quam Philippus de Burci fecit prefato Willelmo sicut carta prefati Philippi testatur Et pro hac confirmatione predicti Monachi mihi dederunt tres marcas argenti et uxori mee Angarete duos bizantios et Roberto filio meo et heredi unum bizantium et Willelmo filio meo juniori duodecim denarios Et ut hec confirmatio inter me et heredes meos et ipsos Monachos et inter predictum Willelmum de Sancti Leodegario et heredes ipsius et ipsos Monachos in perpetuum firma et stabilis permaneat eandem presenti carta et sigilli mei appositione confirmavi His testibus Willelmo de Cantiton Roberto de Cantiton Willelmo de Bauzan Willelmo de Cokinton Willelmo Norreis Alano de Morton Ricardo de Bikefauda Roberto de Sancta Cruce Rogero Capellano Waltero de Sancto Sepulcro et multis aliis
Source (click image below to view full size)
