Charter Document - 01320084
| Charter Number: | 01320084 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1193 |
| Date type: | Assigned |
| Resource Link(s): |
|
Charter:
Omnibus Sancte Matris Ecclesie filiis presentibus et futuris Willelmus de Sancto Leodegario salutem Sciatis me dedisse et concessisse et hac carta mea confirmasse Deo et Ecclesie Sancte Marie de Dena et Monachis ibidem Deo servientibus totam terram meam de Ragel que sue Philippi de Burci cum omnibus pertinentiis suis intra villam et extra in perpetuam et puram eleemosynam tenendam de me et heredibus meis liberam et quietam ab omni seculari servitio et consuetudine et exactione preter solummodo duos solidos mihi et heredibus meis annuatim reddendos ad festum Sancti Michaelis et preter servitium duarum partium unius militis quod facient Domino meo Willelmo filio Roberti filii Martini et heredibus ejus Ita tamen quod cum venerit terminus annorum ab anno Incarnatione Domini millesimo ducentesimo vigesimo quarto quem prefigit carta prefati Philippi predicti Monachi persolvent annuatim heredibus prefati Philippi unum bizantium vel duos solidos preter duos solidos quos mihi et heredibus meis annuatim reddent Et quando feci predictis Monachis hanc donationem tunc ipsi dederunt mihi viginti marcas argenti Et predictum Philippum de Burci deliberavi de debitis que debuit Manassero Judeo de Bristolio ex denariis ipsorum Monachorum Concesserunt etiam mihi et heredibus meis in perpetuum habere unum monachum de nostra presentatione in ipsa domo ita quod eo decedente alius per manum meam vel heredum meorura et per consilium Abbatis ejusdem loci suscipiatur quem et domui sue et mihi necessarium judicaverit In omnibus beneficiis suis me et meos receperunt tam in morte quam in vita et pro me sicut pro uno monacho professo facient Hanc autem donationem in omnibus fideliter et sine dolo tenendam manu mea affidavi et ad plenam securitatem monachorum presentem cartam sigillo meo confirmavi His testibus Willelmo Marescallo Willelmo filio Joannis Willelmo de Morevill Ricardo de Bikefaud Willelmo Bodin Roberto de Sancta Cruce et Willelmo filio ejus Alano de Morton Waltero de Budicum et Willelmo Picot Joanne Capellano et multis aliis
Source (click image below to view full size)
