Charter Document - 01320067

Sciant presentes et futuri quod ego Rogerus de Boscho tradidi Monachis de Flaxleh de terra mea sex acras viz unam acram in Cleilega et alteram in Witeleia que vertit supra priorem acram tertiam sub Eileshull in eodem campo quartam in Eihsfelde quintam in longam terram sextam super caput prati juxta rivum Et totum pratum meum quod est in medio campi juxta molendinum Tenendas de me et heredibus meis liberas et quietas ab omni servitio et consuetudine usque ad terminum viginti annorum viz pro viginti tribus solidis quos mihi pre manibus integre pacaverunt ut toto tempore hujus conventionis sint quieti omnino ab omnibus rebus Et ego et heredes mei interim omnes predictas partes terre warrantizabimus predictis monachis usque ad terminum suum contra omnes homines et feminas Tradidi predictis monachis prefatam terram ad festum S Michaelis anno Incarnatione Domini millesimo ducentesimo et in fine prefatorum viginti annorum omnes predictas partes terre ad me quiete revertentur vel ad heredes meos Quod si ego interim decessero et aliqua predictarum partium devenerit in dotem Margar[ete] uxoris mee heres meus predicte uxori mee vel per aliam terram vel quomodo poterit satisfaciet ut monachi predicta omnia in pace et sine inquietudine teneant usque ad terminum suum Hanc igitur conventionem fideliter et sine malo ingenio tenendam affidavimus in omnibus ego et Margareta uxor mea de nobis et heredibus nostris Et quia volo eos in omnibus esse securos ego dictus Rogerus omnia predicta hoc chirographo sigillo meo impresso confirmavi His testibus Galfrido de Dene Ricardo de Westbiri Rogero de Erderne Hugone Cherke Galfrido fratre meo et Henrico fratre meo et multis aliis Ad terminum