Charter Document - 01320065
| Charter Number: | 01320065 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Pledge, Agreement |
| Date: | 1201 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod ego Hugo Charke assensu Jo[anne] uxoris mee et filii et heredis mei Hugonis tradidi in vadium Monachis de Dene totam terram meam que vocatur Wudelond cum hominibus in ea tenentibus et totum forstal exceptis tribus acris et excepta terra quam Luvericus tenuit in Forstal et totam terram de Hida exceptis tribus acris quas Rogerus de la Boxe tenuit et aliis tribus quas ego Hugo retinui in manu mea videlicet tenenda de me et heredibus meis tam libere sicut ego eas liberius tenui et quietas ab omni servitio excepto regali servitio scilicet ad festum Sancti Michaelis anno Dominice Incarnationis millesimo ducentesimo primo usque ad terminum sex annorum pro octo marcis quas dicti monachi commodaverunt mihi pre manibus et preter hec pro decem solidis et octo denariis de redditu annuatim solvendo duobus scilicet anni terminis ad festum Sancte Marie in Martio et ad festum S Michaelis Ita quod in sine sex annorum dictorum prefate terre ad me non revertentur antequam dictas octo marcas prefatis monachis persolvero Quod si ego requisitus ab eis ad Hoccedei proximum ante ultimum terminum vel eos premuniens ad ultimum terminum sex annorum dictas octo marcas persolvere eis non potuero tunc ad illum Hoccedei terras warectabunt et sequens fructus illius warecti illorum erit et tamdiu sub eadem conventione et libertate et redditu decem solidorum et octo denariorum eas tenebunt donec eis octo marcas persolvero Quod si infra hunc terminum ego decessero heres meus eandem conventionem eis tenebit vel si forte aliquo infortunio illas predictas terras ego vel heres meus eis warrantizare non potero de aliis terris meis ad plenam valentiam eandem conventionem ego vel heres meus antequam predicti monachi differentur perficiam Et ut hec conventio rata sit et sine dolo servata uxor mea Jo[anna] pro suo concessu recepit a monachis unum bizantium et Hugo filius meus unam tunicam pro suo assensu Hoc itaque ego Hugo pro me et pro heredibus meis affidavi sine dolo tenendum et presenti carta sigillo meo impressa confirmavi His testibus Domina mea Berta de Monemuta Galfrido de Dene Rogero de Erderne Willelmo de Heliun Willelmo de Boxeliva Rogero Ricardo et Jacobo fratribus ejus Willelmo de Staure Helya de Rudele Waltero Bleith Luverico de Neweham Ad terminum
Source (click image below to view full size)
