Charter Document - 01320055
| Charter Number: | 01320055 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1201 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod ego Rogerus de Bosco consensu Margarete uxoris mee tradidi Monachis de Dene per manum fratris Ricardi de Molendino sex acras terre seminatorie nostre et totum pratum meum in medio campi qui est juxta domum meam videlicet unam acram in Cleilega et alteram in Whitelega que vertit supra priorem acram tertiam sub Eileshulle in eodem campo quartam in Eishfeld quintam in longa terra sextam supra caput prati juxta rivum Tenendas de me vel heredibus meis liberas et quietas ab omni servitio et omnibus consuetudinibus usque ad terminum viginti annorum videlicet pro sexdecim solidis quos ipse dederunt mihi de introitu et preterea reddendo singulis annis duodecim denarios de redditu pro omnibus rebus ad duos anni terminos ad S Mariam in Martio sex denarios ad S Michaelis sex denarios et in fine prefatorum viginti annorum [] piam ego vel heres meus terram meam cum prato solutam et quietam Tali pacto quod ego vel heres meus interim warrantizabo prefatam [terram eis]dem monachis et stabo pro eadem terra cum prato contra omnes homines vel feminas Et si ego infra terminum prefatum viginti annorum [] decessero et eadem terra vel pars illius terre et pratum contigerit Margarete uxori mee ad partem dotis sue heres meus equivalentem terram [] de suo eidem Margarete tradet vel finem pro se faciet ut Monachi suam sepedictam terram et pratum in pace teneant usque ad terminum predictum suum et hanc predictam terram et pratum tradidi eis ad festum S Michaelis Anno Incarnationis Dominice millesimo ducentesimo primo et hoc totum affidavi sine malo ingenio tenendam Ego et Margareta uxor mea volentes quod heredes nostri hoc idem fide sua firmiter teneant et ut securiore sint predicti Monachi ut super hoc non implacitentur chirographo meo sigillo meo impresso hoc totum eis confirmavi His testibus Galfrido de Abbenhale Rogero de Arderne Hugone Cherke Ricardo filio Hugonis militis et multis aliis
Source (click image below to view full size)
