Charter Document - 01320052
| Charter Number: | 01320052 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1210 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus dictus Abbas de Dene et ejusdem loci conventus concessimus Waltero de la Barra quoddam messuagium in Neweham illud scilicet quod Rogerus de Boyville dedit ecclesie nostre in perpetuam eleemosynam et est juxta terram que suit quondam Sevari Palmer Tenendum de nobis sibi et heredibus suis in feodo et hereditate liberum et quietum ab omni servitio quod ad nos pertineat pro duobus solidis annuatim reddendis [scilicet] in Annunciatione Sancte Marie duodecim denarios et ad festum Sancti Michaelis duodecim denarios Pro hac autem concessione predictus Walterus homagium fecit ecclesie nostre et securitatem quod terram prefatam scilicet messuagium nec dabit nec vendet nec escambiabit nec in vadimonium ponet nec ad alium locum religionis transferet nec alio modo ab ecclesia nostra alienabit sine licentia nostra et heredes cum ei succedant eandem nobis facient securitatem et duodecim denarios nobis de introitu Hanc concessionem firmiter tenendam et warrantizandam presenti chirographo confirmavimus Sigillum vero nostrum proper perfidiam Judeorum non apposuimus His testibus Waltero Clerico de Aura Ricardo filio Willelmi Ricardo filio Aluredi et Jordano filio ejus Joanne filio Aidani Ivone Palmer Nicolao filio ejus et multis aliis in Hundredo de Neweham
Source (click image below to view full size)
