Charter Document - 01320044
| Charter Number: | 01320044 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1200 - 1210 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus de Bosco post conventionem factam inter me et Monachos de Dene tempore A Abbatis per quam ego tenebam de illis tres acras illas quas Pater meus dedit illis in eleemosynam inter domum meam et Eshul et ipsi tenebant de me terram de Alesworde in feodi firmara reddendo singulis annis sex denarios remisi domino Ricardo Abbati et predictis monachis de sex predictis denariis quinque denarios pro salute anime mee et meorum et pro una vacca cum vitulo [quam] mihi dederunt Ita vero in perpetuum ipsi teneant de me et heredibus meis terram de Aldesword pro tribus acris predictis et unum denarium annuatim reddendo Remisi etiam predictis Monachis omnem querelam de stagnis fossatis et vivariis et removebo exclusam meam a ponte monachorum et sic eam locabo ut sine damno monachorum et ad voluntatem eorum componatur Concesli etiam eis assias suas in quarreria mea de Eshul secundum [] meum et consilium meum Hanc conventionem in omnibus fideliter tenendam ego affidavi His testibus Rogero de Westbiri Willelmo de Munsterword Galfrido de Dena et fratribus suis Maiolo et Willelmo Philippo de Dunia Rogero de Ardern Godfrido Cadel et multis aliis In perpetuum
Source (click image below to view full size)
