Charter Document - 01320040
| Charter Number: | 01320040 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1210 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus dictus Abbas de Dene et ejusdem loci conventus tradidimus et concessimus Roberto Capellano filio Osmundi de Neweham illud soldagium in Neweham quod prefatus Osmundus dedit Ecclesie nostre in eleemosynam perpetuam tenendam de Ecclesia nostra in feodi firmam sibi et heredibus suis in perpetuum Ita scilicet quod heres ejus sit quemcunque ipse designaverit liber et quietus per duodecim denarios annuatim reddendos nobis pro omni servitio quod ad nos pertineat in duobus terminis scilicet ad festum S Michaelis sex denarios et ad Sanctam Mariam in Martio sex denarios Et idem Robertus fecit nobis securitatem quod predictam terram nec dabit nec vendet nec escambiabit nec in vadium ponet nec ad alium locum religionis transferet nec alio modo a nobis alienabat sine licentia nostra et heredes ejus cum sibi succedant eandem nobis facient securitatem Hanc concessionem firmiter tenendam et warrantizandam presenti chirographo confirmavimus Sigillum vero nostrum propter perfidiam Judeorum non apposuimus His testibus Waltero de Aura Lewerico filio Sterman Simeone tunc temporis preposito Galfrido filio Radulphi de Dene Ricardo fabro et filio ejus Jordano Aluredo filio Wimundi Ivone le Palmer et filio ejus Jordano et Hundredo de Neweham In perpetuum
Source (click image below to view full size)
