Charter Document - 01320038
| Charter Number: | 01320038 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Quitclaim, Grant |
| Date: | 1200 - 1210 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Parcho totum jus quod clamavi in terra quatn tenuit jure hereditario Gilbertus de Dimuc quondam serviens Henrici Kais de Roberto Maus in Briuwern Deo et Beate Marie de Dene et Monachis ibidem Deo servientibus quietum clamavi Ita quod predicti Monachi tenebunt terram illam de me et de heredibus meis in perpetuum liberam et quietam ab omni servitio quod ad me et heredes meos pertinet salvo servitio Domini Regis singulis annis reddendo mihi vel heredibus meis tres solidos et sex denarios videlicet ad festum S Michaelis octodecim denarios et ad festum S Andreae sex denarios et ad festum S Marie in Martio duodecim denarios et ad nativitatem S Johannis Baptiste sex denarios Ita quod tenebunt terram illam liberam et quietam in pratis in viis in pasturis et in omnibus locis ad predictam terram pertinentibus sicut carte quas ipse Gilebertus habuit de Roberto de Maus et Waltero de Maus testantur Pro hac autem concessione mea dederunt mihi predicti Monachi duas marcas et dimidium Preterea divine pietatis intuitu dedi et concessi Deo et Beate Marie de Dene et Monachis ibidem Deo servientibus in perpetuam et puram eleemosynam totam partem meam gurgitis de Bollewere quem gurgitem Walterus de Maus mihi dedit et carta sua confirmavit et iter quod ad predictum gurgitem extendit et unam placiam ad faciendum molendinum unum ad ventum in capite de Pireforlong supra cheminum quod vadit ad villam Hanc autem donationem et predictam concessionem predictis Monachis contra omnes homines ego et heredes mei warrantizamus et ut hec donatio et concessio mea futuris temporibus rata et inconcussa permaneat eam presenti carta et sigillo meo confirmavi His testibus Rogero de Westbiri Roberto Achard Waltero Wiberti Roberto de Felda Ada filio Fulconis Ricardo Rufo et Ricardo filio ejus Ricardo filio Jordani Roberto Tholi et multis aliis
Source (click image below to view full size)
