Charter Document - 01320037
| Charter Number: | 01320037 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1210 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus de Maus concessi et hac carta mea confirmavi Monachis de Dena totam terram illam quam Gilebertus de Dimuc serviens quondam Henrici Kais illi dedit in perpetuam hereditatem et puram eleemosynam sicut carta ejusdem Gileberti testatur quam fecit predictis Monachis totam scilicet quam tenuit et habuit in Briuwern primo de patre meo Roberto de Maus postea de me et heredibus meis sibi et heredibus suis ut predicti Monachi eam habeant et teneant de me et heredibus meis in perpetuum ut heredes ejusdem Gileberti ex concessione mea Ita liberam et quietam ab omni servitio et consuetudine ab omnibus querelis et exactionibus sicut unquam prefatus Gilbertus eam melius tenuit et habuit et ut carta patris mei et mea eidem Gilberto testantur pro tribus solidis et sex denariis mihi vel heredibus meis annuatim solvendis pro omni servitio salvo servitio Regali Et pro hac concessione et confirmatione predicti Monachi dederunt mihi decem solidos et unam tunicam Hanc autem concessionem et confirmationem in omnibus fideliter et sine dolo tenendam manu mea affidavi Ita quod nulla arte et ingenio prefatum Gilbertum vel ipsos monachos gravabo in omnibus predictis et presentem cartam sigillo mea confirmavi His testibus Jocelino de Walesword et Milone fratre ejus Ada filio Fulconis et Durando fratre ejus Henrico de Bares Ricardo Rufo de Gloucestria Roberto Tholi Ricardo filio Jordani et multis aliis In perpetuum
Source (click image below to view full size)
