Charter Document - 01320032

Sciant presentes et futuri quod ego Robertus Muschet cum assensu et bona voluntate Helene uxoris mee et Roberti filii mei pro salute nostra et antecessorum et heredum nostrorum dedi et concessi et hac carta confirmavi Deo et Beate Marie de Dena et Monachis ibidem Deo servientibus totam terram quam Ricardus Presbyter tenuit de me tam in Linleg quam supra vineam de Walemor sicut eam plenius tenuit Tenendam de me et heredibus meis in perpetuam eleemosynam et liberam ab omni servitio et consuetudine nisi quod annuatim reddent mihi vel heredibus meis eundum redditum quem predictus Ricardus solebat reddere scilicet duos solidos ad festum Sancti Michaelis et duos solidos ad Sanctam Mariam in Martio Preterea confirmavi eis illas quinque acras quas dudum dederam eis Tenendas in puram et perpetuam eleemosynam quam tres et dimidia per se jacent et furlungum meum vertitur super illas et una et dimidia inter terram meam Item confirmavi eis in eleemosynam puram pratum illud juxta Walemor quod Ernaldus de Chekeshill olim tenuit et est inter pratum meum et pratum Henrici de Chekeshill Remisi etiam predictis Monachis totum jus quod clamavi in terra eorum quam tenuit Walterus le Hunte Omnia predicta dedi eis habenda et tenenda in perpetuam eleemosynam et quietam ab omni servitio preter quam quod dabunt pro supradicta terra Ricardi Presbyteri quatuor solidos et predictas donationes firmiter tenendas et sicut proprias terras nostras pro posse nostro defendendas Ego et uxor mea Helena et filius meus Robertus pariter affidavimus et ego presentem cartam sigillo meo confirmavi Ita tamen ut Monachi respondeant pro servitio Domini Regis His testibus Ada Capellano de Hehhamstude Ricardo Sacerdote qui supradictam terram tenuit Roberto Tholi Willelmo de Heliun Rogero de Erderne Hugone Wither Rogero Wither