Charter Document - 01320031
| Charter Number: | 01320031 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Grant, Agreement |
| Date: | 1187 - 1188 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus Muschet cum assensu et voluntate Helene uxoris mee et Roberti filii mei dedi et concessi et hac carta mea confirmavi Deo et Beate Marie de Dene et monachis ibidem Deo servientibus quinque acras terre mee quas dudum dederam eis quarum tres et dimidia jacent per se et furlungum meum vertitur supra illas et una et dimidia sicut inter terram meam et pratum meum juxta Walemor quod Ernaldus de Chekeshill olim tenuit et est inter pratum Henrici de Chekeshill et pratum meum Preterea concessi eis tenendam de me et heredibus meis totam terram quam Ricardus Presbyter tenuit de me tam in Linleg quam supra vineam de Walemor Reddendo annuatim mihi vel heredibus meis quatuor solidos pro omni servitio salvo servitiis Domini Regis cum evenerit in terra que suit predicti Ricardi sicut predictus Ricardus solebat scilicet de redditu duos solidos ad festum Sancti Michaelis et duos solidos ad Sanctam Mariam in Martio Preterea remisi predictis Monachis totum jus quod clamavi in quatuor acris eorum que sunt juxta terram predicti Ricardi quas clamavi in illis sellionibus eorum juxta terram predictam supra vineam et totum jus quod clamavi in terra eorum quam tenet Walterus le Hunte Ut hec omnia predicta habeant et teneant libera et quieta ab omni servitio et consuetudine nisi quod prius quam dictam terram Ricardi [habeant] dabunt quatuor solidos et servitium Regis dederunt mihi predicti Monachis pro omnium confirmatione et concessione tres marcas argenti et recepi de Abbate Alano viginti solidos Ita quod ego vel heredes mei predictam terram vel pratum Monachis warrantizare per aliquam violentiam non poterimus rationabile escambium eis faciemus vel predictam summam denariorum eis reddemus Omnes predictas donationes et remissiones et conventiones firmiter tenendas et defendendas ego et uxor mea H et filius meus Robertus pariter affidavimus et ego presentem cartam sigillo meo confirmavi His testibus Domino Willelmo Abbate de Bordefley Adam Cappellano de Hehhamstud Ricardo sacer[dote] qui supradictam terram tenuit Roberto Tholi Willelmo de Heliun Rogero de Erderne Hugo Wither Rogero Wither In perpetuum
Source (click image below to view full size)
