Charter Document - 01320025
| Charter Number: | 01320025 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1188 - 1198 |
| Date type: | Assigned |
| Resource Link(s): |
|
Charter:
Omnibus Sancte Matris Ecclesie filiis notum sit quod ego Ricardus dictus Abbas de Dene et ejusdem loci Conventus multis multorum petitionibus suscepi curam Capelle de Herdlande in divino officio sustinendo in perpetuum curam etiam omnium rerum et possessionum et laborum Willelmi ejusdem loci Heremite ad ejusdem Willelmi sustentationem et eorum quos secum habet nolentes per nos impediri bonum ejus propositum Quo proposuit se in arctiori vita scilicet anachoritica ibidem includere pro stabilitate et pace regni et pro anima Regis Henrici a quo locum suscepit pro salute etiam Ricardi Regis et benefactorum suorum Ita ut prefato Willelmo omnibus diebus vite ipsius necessaria ministremus in victu scilicet et in vestitu quantum pertinet ad Religionem Inclusi Quod si idem Willelmus predicta omnia in manibus nostras manu tenere non poterit quantum per licentiam Episcopi sui poterit ut ea nobis defendat curam adhibebit sicut pro rebus suis et non interim ei necessaria ministrabimus Si autem nullatenus potuerit in manus nostras [curam] predictam revocare nos a predictis conventionibus et permissionibus liberi erimus Et ne per nos vel per successores nostros in posterum divinum officium in predicta capella vel aliqua prescriptarum conventionum ducatur in irritum presens chirographum sigillo nostro communimus Testibus Domino Willelmo Herefordensi Episcopo cujus consilio et in cujus presentia hec facta sunt et sigillo testificata Teste etiam ejusdem ecclesie Ricardo Decano et Capitulo In perpetuum
Source (click image below to view full size)
