Charter Document - 01320015
| Charter Number: | 01320015 |
|---|---|
| Cartulary Title: | The Cartulary and Historical Notes of the Cistercian Abbey of Flaxley |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1148 - 1210 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam de Blakeneia et Basilia uxor mea pro salute nostra et heredum nostrorum et predecessorum nostrorum dedimus et concessimus Deo et Beate Marie de Dena et Monachis ibidem Deo servientibus in puram et perpetuam eleemosynam duodecim denarios quos messuagium Willielmi W[o]decoc nobis et predecessoribus nostris solebat reddere et duodecim denarios quos masuagium Galfridi Carbonarii nobis et predecessoribus nostris solebat reddere Ita singulis annis quicunque tenuerint predicta masuagia ad festum Sancti Michaelis reddent Sacriste predicte Abbatie duos solidos ad emendum frumentum ad hostias faciendas et ad emendum oleum ad tres lampades ardentes coram tribus Altaribus ad omnes missas ibidem cantandas Predicti vero monachi nobis resignaverunt masuagium nostrum de Neweham quod illis prius dederamus et cartam nostram nobis reddiderunt Si vero predicta masuagia aliquo modo quod Deus avertat deciderint nos vel heredes nostri duos solidos annuatim predicto Sacriste ad predictum terminum sive de Forgiis sive de aliis redditibus nostris restituemus Et ut hec donatio rata et firma in perpetuum permaneat presenti carta sigilli nostri impressione corroborata confirmavimus His testibus Willielmo de Dene et Galfrido filio ejus Willelmo filio Hingan Waltero Clerico de Aura Hugone de Blitheflawe Luverico de Neweham Geri de Neweham et multis aliis In perpetuum
Source (click image below to view full size)
