Charter Document - 01310033
| Charter Number: | 01310033 |
|---|---|
| Cartulary Title: | The Cartulary of the Treasurer of York Minster and Related Documents |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1222 |
| Date type: | Internal, Regnal, Feast |
| Resource Link(s): |
|
Charter:
Hec est finalis concordia facta in curia domini Regis apud Westmonasterium a die Sancte Trinitatis in unum mensem anno regni Regis Henrici filii Regis Iohannis sexto coram Martino de Paterhull[] Radulpho Harang[] Stephano de Segrave Thoma de Hayden[] Roberto de Lexinton[] iusticiariis et aliis domini Regis fidelibus tunc ibi presentibus inter Willelmum de Rotherfeld[] thesaurarium Ebor[acensem] petentem et Iohannem filium Thome tenentem de quinque bovatis terre cum pertinentibus in Akum unde placitum fuit inter eos in prefata curia et inter eundem Willelmum thesaurarium petentem et predictum Iohannem tenentem de tribus bovatis terre cum pertinentiis in eadem villa unde assisa summonita fuit inter eos in eadem curia ad recognescendum utrum predicte tres bovate terre cum pertinentiis essent libera elemosina pertinens ad prebendam ipsius thesaurarii an laicum feodum predicti Iohannis scilicet quod predictus Iohannes recognovit totam predictam terram cum pertinentiis esse ius ipsius thesaurarii ut liberam elemosinam pertinentem ad thesaurariam suam quam ipse habet in ecclesia Sancti Petri de Ebor[aco] et illam remisit et quietam clamavit de se et heredibus suis ipso Willelmo thesaurario et successoribus suis et thesaurarie predicte inperpetuum Et pro hac recognitione remissione quieta clamatione fine et concordia idem Willelmus thesaurarius dedit ipsi Iohanni viginti et quinque marcas argenti
Source (click image below to view full size)
