Charter Document - 01290020
| Charter Number: | 01290020 |
|---|---|
| Cartulary Title: | Starrs and Jewish Charters Preserved in the British Museum [Westminster] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1286 |
| Date type: | Internal, Feast, Regnal |
| Resource Link(s): |
|
Charter:
Bateman filius Cress Iudeus recognoscit per starrum suum quod concessit remisit et pro se et heredibus et assingnatis suis inperpetuum quietauit Ade de Straton clerico et heredibus et assignatis suis totum ius demandam obligacionem posse et calumpniam et quamcunque actionem que predictus Iudeus umquam habuit habet uel habere potuit in duodecim acris et dimidia pasture sex acris prati et vna acra et dimidia sepium que predictus Adam habet seu tenet in Westerle nunc die confectionis istius starri que fuerunt Iohannis Taylleboys debitoris predicti Iudei Ita quod nec ipse iudeus nec heredes sui nec aliquis per [ipsum] nec pro ipsis quodcunque exigere seu calumpniari possit versus predictum Adam heredes seu assingnatos suos nec super predictam tenentiam cum pertinenciis occasione alicuius debiti in quo predictus Iohannes vmquam predicto Iudeo tenebatur set quod predictus Adam et heredes et assignati sui et etiam predicta tenentia cum pertinenciis sint inde inperpetuum quieti et non obligati Actum die veneris proxima ante festum Natiuitatis sancti Iohannis Baptiste anno regni regis Edwardi filii Regis Henrici quartodecimo Istud starrum recognitum est et irrotulatum inter starra de termino sancte Trinitatis anno regni regis Edwardi filii regis Henrici quartodecimo coram Domino Hamone Hautayn et Roberto de Ludham tunc iusticiariis domini Regis ad custodiam Iudeorum assignatis
Source (click image below to view full size)
