Charter Document - 01270594

Noverint universi quod cum controversia orta esset inter dominum abbatem et conventum monasterii Sancti Augustini Bristoll[] ex pane una et dominum Henricum de Gant magistrum domus Sancti Marci de Billeswik[] ex altera super planitie de Beleswik[] quam predictus magister ratione domus sue suam asservit esse communam eadem controversia ex ordinatione seu provisione venerabilis patris Walteri dei gratia Wigorn[] episcopi conquievit Videlicet quod neutra pars jus pascendi in predicta planitie sibi de cetero vendicabit cum utraque pars recognoscat totam dictam planitiem esse cimiterium monasterii supradicti Sancti Augustini Et si contingat animalia dicte domus Sancti Marci seu alia dictam planitiem causa pascendi ingredi seu si ibidem pascantur facta admonitione trina per ministros dicti monasterii Sancti Augustini illis quorum fuerint ut inde fugentur liceat dictis ministris dicta averia inde fugare et si iterum redeant pascendum liceat tunc dictis ministris eadem includere donec per decanum loci liberentur et salva sit dicto domino episcopo exactio dimidie marce contra hujusmodi delinquentes Si vero averia dicti monasterii Sancti Augustini ibidem inventa fuerint causa pascendi et post ternam ammomtionem cujuscumque non fuerint revocata per vicariam Sancti Augustini minoris fugentur et si redierint per decanum Bristoll[] includantur et dimidia marca per decanum ipsum nomine multe exigatur a transgressore Ordinavit etiam predictus episcopus quod corpora de novo sepulta ante portam dicte domus Sancti Marci ibidem remaneant Ita tamen quod supereminens terra abradatur propter loci amenitatem conservandam et ad planitiem redicatur ita tamen quod ob rationem predictam non minus cimiterium censeatur Item ordinavit ex supradicta causa amenitatis quod corpora defunctorum de cetero sepeliantur in parte dicti cimiterii antea consueta nec ultra egrediati nisi necessitas aut evidens utilitas id quod exposcat Item ordinavit quod inhabitantes dictam domum Sancti Marci dictam planitiem ingredi possint et egredi causa eundi ambulandi spaciandi equitandi ubique voluerint set dreias kareitas bigas [et] ducendi per vias utiles et sibi necessarias et ad hoc prius usitatas Item ordinavit quod abbas monasterii predicti possit dictam planitiem falcare cum herba fuerit ibi falcanda sine alicujus inpedimento et herbam spergere in ecclesiis suis Sancti Augustini majoris et minoris Hoc adjecto quod idem abbas aliquam defensionem que wlgaliter appellatur hayning[] non adhibeat quo magis dicte domui supernis concessa inpediantur Falcator tamen cum ibi fuerit non inpedietur in suo officio exequendo Salvis etiam abbati et conventui Sancti Augustini juribus libertatibus et usibus quibus monasterium predictum Sancti Augustini et commorantes ibidem antea fuerint excepto jure pascendi tantum ut superius est expressum In cujus rei testimonium tam dictus venerabilis pater quam predicte partes huic scripto inter ipsos diviso signa sua alternatim apposuerunt Actum apud Bristoll[] die sabbati ante festum Crucis anno gracie mccl nono