Charter Document - 01270591

Noveritis universi presens scriptum inspecturi vel audituri quod cum multiplices et diverse contentiones mote essent tam in loco forensi quam ecclesiastico inter domum Sancti Augustini de Bristoll[] ex una parte et domum Sancti Marci de Billeswike ex altera ratione testamenti vel doni bone memorie domini Mauricii de Gant et elemosine ejusdem in prefata domo Sancti Marci pauperibus Christi inperpetuum erogande super situ ipsius domus et novo opere ibidem inchoato et collegio habend similiter et super manerio de Poulet cum pertinenciis suis diversimodis decimis oblationibus redditibus terris serviciis sectis hundredorum communis pasturarum essartis fructatis amerciamentis quibusdam debitis necnon et super omnibus rebus et possessionibus ad sustentationem pauperum a memorato Mauricio pie quondam assignatis et multimodis dampnis huic inde assartis tandem omnes lites et contentiones mote in utroque foro inter dictas domos in hunc modum conquieverunt Videlicet quod dicta domus Sancti Augustini concessit dictam domum Sancti Marci liberam esse et absolutam ab omni exactione super qua eandem impetebat eadem domus Sancti Augustini et ab omni jure quod sibi in eadem competere dicebat ratione testamenti vel doni dicti Mauricii de Gant vel ratione doni alicujus alterius super quo vel quibus lis mota fuit usque ad confectionem presentis instrumenti ipsam et quietam clamando tam super decimis quam oblationibus et omnibus obventionibus que possint oriri et exigere infra septa ipsius domus Sancti Marci de quibuscumque rebus ecclesiam Sancti Augustini de jure contingentibus inperpetuum Concessit etiam dicta domus Sancti Augustini ut dicta domus Sancti Marci liberum habeant monasterium pro sue voluntatis arbitrio disponendum liberum cimiterium et sepulturam liberam infra septa sua clocheria campanas et alia que libet libera et absoluta inperpetuum et quod corpora mortuorum si qua contigit ibidem esse legata absque reclamatione vel inpedimento dicte domus Sancti Augustini in dicta domo Sancti Marci libere recipiantur et sepeliantur Set nichil juris in planitie de Billeswik[] sibi umquam dicta domus Sancti Marci extra murum qui erectus erat ante confectionem presentis instrumenti poterit vendicare Nec licebit umquam domui Sancti Marci nec alicui habitanti in ea murum aliquem exigere super Billeswike extra eundem murum nisi de speciali licencia dicti domus Sancti Augustini cum tota illa planitie Liberum sit cimiterium dicte domus Sancti Augustini salvis dicte domui Sancti Marci et omnibus habitantibus in ea omnibus eisiamentis et libertatibus suis prius usitatis ante tempus confectionis istius instrumenti in omnibus agendis suis in dicta planitie absque contradictione vel inpedimento dictorum abbatis et conventus inperpetuum Renunciavit autem dicta domus Sancti Augustini omni juri quod sibi competere dicebat autem competere potuit in manerio de Poulet et ejus pertinere ratione predicti testamenti vel doni sive elemosine prefati Mauricii de Gant vel ratione alicujus alterius salvis eidem domui Sancti Augustini hiis in quorum possessione fuit tempore confectionis presentis instrumenti Remisit autem domus Sancti Augustini et quietam clamavit domui Sancti Marci unam virgatam terre in eodem manerio quam de dono pie memorie Roberti juvenis se dicebat aliquando possedisse Similiter et redditum duorum solidorum quem percipere consuevit de terra quam Michaelis de Magor clericus aliquando tenuit de eadem domo ante ecclesiam Sancti Augustini minorem Dicta autem domus Sancti Marci omnes decimas tam majores quam minores ex quibuscumque rebus vel possessionibus suis sitis infra limites parochiarum de Pouleth et de Were supradictis abbati et conventui integre perpetuo sine omni diminutione cavillatione et contradictione secundum consuetudinem vicinarum ecclesiarum persolvet Remisit autem domus Sancti Marci et quietam clamavit domui Sancti Augustini omnimodam sectam curie de Poulet quam ab ea exigit ratione cujusdam dimidie virgate terre quam prefata domus Sancti Augustini possidet in manerio de Poulet Remisit etiam scutagium quantum pertinet ad dictam dimidiam virgatam terre de quo quidem scutagio ipsam domum Sancti Augustini acquietabit inperpetuum Concessit insuper domus Sancti Marci domui Sancti Augustini quia si ipsa vel homines sui in hundredo de Perreton[] ammercientur ammerciamenta eorundem eisdem remittentur Preterea domus Sancti Marci quietam clamavit domui Sancti Augustini communam pasture de fossato facto apud Poulet Similiter et communa et assarto facto apud Allemodesbur[] scilicet in Middelscase renunciando expresse omni clamio facto vel unquam faciendo de communa marisci de Almodesbur[] quam sibi dicebat competere ratione manerii sui de Erdecote salva utriusque domui communa pasture sue tam in boscis quam extra in mariscis de Almodesbur[] et de Erdecote preterquam in assartis hinc inde factis et faciendis et viis et semitis debitis et consuetis Licebit autem domui Sancti Marci assartum facere in manerio suo de Herdecote et idem manerium meliorare pro ut voluerit absque reclamatione dicto domus Sancti Augustini et contradictione aliqua vel commune exactione vel aliqua alia inquietatione Et eodem modo licebit domui Sancti Augustini manerium suum de Almodesb[] meliorare sine contradictione dicto domus Sancti Marci Remisit etiam domus Sancti Marci domui Sancti Augustini redditum duodecim denariorum quam de eadem percipere consuevit pro terra que fuit quondam Benedicti sacerdotis in Froggemerestret[] Omnis autem vexatio vel seculari exactio super debitis arreragiis aut quibuscumque aliis rebus factis dictis pretextu prescriptarum rerum aut alia occasione ante presentis instrumenti confectionem mota hinc inde plenarie remissa est inperpetuum Partes vero omnia instrumenta ratione quorum lites vel contentiones poterant vel possint in futurum evenire alternatim restituent Et si fortassis aliquod vel aliqua super premissis penes alternatam partem vel aliquem alium reperiantur nullius erunt momenti Ad hanc autem compositionem fideliter in omnibus et sine dolo observandam juramento corporaliter prestito sese obligavit pars utraque renuncians in hiis omnibus appellationibus cavillationibus exactionibus et omni juris remedio canonici et civilis et maxime prohibitioni regie necnon et omnibus scriptis et instrumentis autenticis que huic compositioni possint obviare similiter et omni alii exceptioni que possit obici contra factum hoc vel instrumentum Hoc adjecto quod si altera partium predictarum contra aliquem predictorum articulorum inposterum venire presumpserit pars delinqueris alteri parti quadraginta solidos argenti pro quolibet articulo non observato nomine pene persolvet totali conventione prescripta nichilominus perpetuo diutura Quod ut inposterum firmiter observetur pars utraque se subjecit jurisdictione domini Wigorn[] [episcopi] qui pro tempore fuerit ut pars contradictam conventionem venietis in aliquo articulo predictam penam parti alteri per omnimodam censuram ecclesiasticam per ipsum refundere compellatur Ut autem hec compositio rata et stabilis perpetuo perseveret eam presenti scripto in modum cyrographi confecto et inter partes diviso et tam signis partium quam signis domini Willelmi Longi tunc abbatis Sancti Augustini et domini Henrici de Gaunt tunc magistri domum Sancti Marci signato pars utraque confirmavit Facta est siquidem hec compositio anno gracie milesimo ducentesimo quinquagesimo primo [hiis testibus domino Roberto Waller[] Roberto de Gournay Ada de Grenevill[] Ivone de Sturton Radulfo de Cerney Reginaldo de Neuton[] et aliis]