Charter Document - 01270589
| Charter Number: | 01270589 |
|---|---|
| Cartulary Title: | The Cartulary of St. Augustines Abbey, Bristol |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1257 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter dominum Willelmum abbatem Sancti Augustini de Bristoll[] et ejusdem loci conventus ex parte una et Robertum de Ponte Frigido ex altera anno regni regis Henrici filii regis Johannis quadragesimo primo in octavo Epiphanie Domini Videlicet quod abbas et conventus dederunt concesserunt et presenti scripto confirmaverunt dicto Roberto et heredibus suis et suis assignatis totam illam terram cum suis pertinenciis quam habuerunt de dono Johannis le Waleis et Matilde uxoris sue et Alicie filie Willelmi Devoniensis et Thome Scakel filii Nicholai Scakel juxta crucem lapideam versus molendinum de Trivel habend et tenend sibi et heredibus suis vel suis assignatis de dictis canonicis et eorum successoribus inperpetuum Reddendo singulis annis quinque solidos sterelinguorum ad duos anni terminos scilicet ad Pascha duos solidos et sex denarios et ad festum Sancti Michaelis duos solidos et sex denarios Et in mutatione singulorum heredum vel dicte terre dominorurn percipient dicti canonici unum bizantium vel duos solidos de relevio pro omnibus serviciis et demandis ad dictos canonicos pertinentibus salvo servicio capitalis domini et langabulo Supramemorati autem canonici totam predictam terram cum pertinenciis dicto Roberto et heredibus suis et suis assignatis contra omnes homines et feminas inperpetuum warantizabunt Dictus vero Robertus vel heredes sui aut sui assignati infra unum annum a Pascha proxima sequenti post presentis instrumenti confectionem super prenominatam terram sufficienter edificabunt Ita quod dicti canonici dictum redditum de predicto tenemento ut predictum est plene percipere possint et dictum tenementum si necesse fuerit pro defectu dicti redditus distringere Et si ita contingat quod dictus Robertus vel heredes sui aut assignati in edificationem dicti tenementi defecerint aut negligentes inventi fuerint et morosi ex tunc obligavit se dictus Robertus pro se et heredibus suis et assignatis scripto presenti quod dicti canonici dictum Robertum et heredes suos et assignatos per omnia tenementa sua in villa Bristoll[] et alibi tam in comitatu Glouc[] quam Sumers[] ad dictum redditum solvendum libere compellere possint sine aliqua contradictione vel reclamatione Ad majorem autem hujus rei securitatem presenti scripto in modum cyrographi confecto et inter partes diviso sigilla partium huic inde sunt appensa t[estibus]
Source (click image below to view full size)
